János Arany : Diferéncia entre lei versions

János Arany (prononciar Ianòch Òrònh, « arany » vòl dire « aur » en ongrés) èra lo darrièr mainatge e sol filh d'una familha de païsans protestants d'una pichona vila de l'èst de la granda plana [[Ongria|ongresa]] (annexada per [[Romania]] après la [[Primièra Guèrra Mondiala]]). Per ajudar sos parents qu'an pas tròp d'argent, fa plan lèu de regent a l'escòla de [[Nagyszalonta]] puèi partís en [[1833]] estudiar al grand collègi reformat de [[Debrecen]] ont demora fins en [[1836]], quand va barrutlar amb d'amics d'una tropa d'actors. Mòrta sa maire, lo seu paire avugle, torna a [[Nagyszalonta]] ont se marida en [[1840]] amb Julianna Ercsey e ven foncionari. An dos mainatges: Juliska en [[1841]] e László (que vendrà famós amb sos « Contes ») en [[1844]]. La publicacion de « Toldi » en [[1846]] càmbia sa vida. Tot d'una, es conegut dins tota Ongria e ven l'amic de [[Sándor PetöfiPetőfi]], autre poèta vengut del pòble.