Galèrna : Diferéncia entre lei versions

Ua '''galèrna''' qu'ei un fenomèn meteorologic subte e violent dab fòrtas bofadas de vent de l'oèst au nòrd-oèst corrent dens lo [[golf de Gasconha]] e las soas còstas, en generau a la [[prima]] e a l'[[auton]]. Que s'englòba dintre de las aperadas Perturbacions Atrapadas a la Còsta (PAC, en [[anglés]]: ''Coastal Trapped Disturbance'').

 

 

Las galèrnas que son coneishudas peus òmes de la mar per estar de fenomèns meteorologics d'ua violéncia extrèma, qu'an emportat de vidas nombrosas enter los marinèrs. La mei rebrembada tristament qu'estó la galèrna deu 20 d'abriu de 1878, coneishuda coma la Galèrna deu Dissabte de Glòria. Aqueth vèspre tota la populacion de las vilas pescadoiras qu'anè aus pòrts e a la còsta en vedent los de loas familhas ensajar de ganhar la còsta a bòrd de [[barca]]s e [[chalutèr]]s. Que perdèron la vida 322 [[pesca]]dors negats dens la [[mar Cantabrica]] (132 cantabres e 190 bascos) e la commocion provocada en Espanha qu'estó importanta. A partir d'aqueth desastre que son apareishuts de melhoraments dens la navegacion (cubèrta corruda, informacions meteorologicas, salvament de naufragièrs...). Mei, non s'evitarà pas que las galèrnas successivas contunhèssen en produsissent de victimas.