Ans 1940 : Diferéncia entre lei versions
Contengut suprimit Contengut apondut
Linha 116 :
[[Fichièr:Cambiaments territòriaus europèus de 1937 a 1945.png|thumb|Cambiaments territòriaus europèus après la desfacha alemanda.]]
'''1945''' : capitulacion sensa condicion dau [[Tresen Reich]] lei 7 e 8 de mai a [[Reims]] e [[Berlin]]. Aquò marquèt la fin de la [[Segonda Guèrra Mondiala]] en [[Euròpa]]. Lo territòri alemand foguèt ocupat per lei venceires e partejat entre quatre zònas d'ocupacion tengudas per l'[[URSS|Union Sovietica]], leis [[USA|Estats Units]], lo [[Reialme Unit|Reiaume Unit]] e [[França]]. La màger part dei territòris orientaus dau Reich foguèron annexadas per [[Polonha]] que laissèt, en cambi, sei regions orientalas ai [[URSS|Sovietics]]. Totei lei populacions alemandas foguèron expulsadas d'aquelei territòris. De mai, après l'arrestacion dau govèrn [[nazisme|nazi]] per leis Aliats, de purgas per desnazificar lo país comencèron e l'organizacion d'un procès còntra lei caps nazis foguèt decidida per jutjar lei crimes alemands, especialament lo [[Olocaust|genocidi]] còntra lei [[Judaïsme|Josieus]].
<br/>
'''1945''' : restauracion de l'[[independéncia]] d'[[Àustria]]. Pasmens, per sa participacion au Tresen Reich, lo país foguèt tanben ocupat per lei venceires de la guèrra.
<br/>
'''1945''' : restauracion de [[Checoslovaquia]] après la presa de [[Praga]] per lei fòrças sovieticas e [[Polonha|polonesas]]. Un [[govèrn]] d'union nacionala foguèt format per [[Edvard Benes]]. Dominat per lei partits d'inspiracion comunista e socialista, adoptèt un programa comun de nacionalizacion deis [[industria]]s e dei [[banca]]s. Expulsèt pereu lei minoritats alemandas.
<br/>
'''1945''' : presa dau poder per lei [[comunisme|comunistas]] en [[Albania]] (2 de decembre). Lei bens de la Glèisa e dei grands proprietaris foguèron [[nacionalizacion|nacionalizats]] e una reforma agricòla foguèt iniciada. Pasmens, avans la fin de l'annada, comencèron de purgas organizadas per lei radicaus còntra lei moderats au sen dau Partit.
<br/>
'''1945-1948''' : organizacion de [[guerilha]]s [[comunisme|comunistas]] dins lo nòrd d'[[Espanha]]. Pasmens, aquelei movements menacèron gaire lo regim franquista.
<br/>
'''1946''' : en [[Indochina Francesa]], començament de negociacions entre [[França]] e lo [[Vietminh]], un movement [[independéncia|independentista]] e [[comunisme|comunista]] poderós dins la mitat septentrionala de [[Vietnam]]. Après divèrsei temptativas, lei discussions mau capitèron e lei tensions localas entraïnèron lo [[bombardament de Haiphong]] per lei [[França|Francés]]. Aquò marquèt lo començament de la [[Guèrra d'Indochina]] qu'opausèt [[França]] a la guerilha organizada per lo [[Vietminh]] (→ [[1950]]).
| |||