Guèrra de las Doas Ròsas : Diferéncia entre versions

La causa prefonda de la [[guèrra]] foguèt una crisi [[dinastia|dinastica]] iniciada per la [[mòrt]] dau rèi [[Edoard III d'Anglatèrra]] ([[1327]]-[[1377]]). Son successor, [[Ricard II d'Anglatèrra|Ricard II]] ([[1377]]-[[1399]]), èra un enfant de 10 ans que venguèt pauc a pauc fòrça impopular. D'efiech, après la [[Revòuta dei Païsans]] de [[1381]], lo rèi venguèt dependent d'un grop pichon de cortesans. Aquò entraïnèt una reaccion de part de l'[[aristocracia]] auta. Quauquei senhors poderós, lei ''[[Lords Appellant]]'', prenguèron ''[[de facto]]'' lo poder en [[1389]].
 
Lo rèi restaurèt son autoritat en [[1397]] e la màger part deis ''Appellant'' foguèt tuada ò [[exili]]ada. Après aqueu succès, [[Ricard II d'Anglatèrra|Ricard II]] venguèt fòrça autoritari. En [[1399]], assaièt de deseiretar lo duc [[Enric IV d'Anglatèrra|Enric de Bolingbroke]] de l'[[Ostau de Lancastre]]. Dins aquò, aqueu darrier desbarquèt en [[Anglatèrra]] amb una pichona armada, capturèt lo rèi e se proclamèt rèi sota lo nom d'[[Enric IV d'Anglatèrra|Enric IV]] ([[1399]]-[[1413]]).
 
Lei succès [[militar]]s e [[politica|politics]] de son successor, [[Enric V d'Anglatèrra|Enric V]] ([[1413]]-[[1422]]), legitimèron aquela usurpacion<ref>En particular, infligiguèt una desfacha saunosa ai [[França|Francés]] a la [[batalha d'Azincourt]] ([[1415]]) e foguèt reconegut coma l'eiretier de la corona de [[França]] per [[Carles VI de França|Carles VI]].</ref>. Pasmens, a sa [[mòrt]], laissèt a son torn un enfant de quauquei mes, [[Enric VI d'Anglatèrra|Enric VI]], coma rèi d'[[Anglatèrra]]. De mai, [[Enric VI d'Anglatèrra|Enric VI]] apareguèt pauc a pauc coma un sobeiran [[malautiá|malaut]] e incapable d'arrestar la reconquista [[França|francesa]] durant la fasa finala de la [[Guèrra de Cent Ans]] ([[1337]]-[[1453]]). La pèrda de [[Bordèu]] en [[1453]] agravèt sa santat mentala e la question de la legitimitat de la dinastia fondada per [[Enric IV d'Anglatèrra|Enric IV]] comencèt de se pausar. En parallèl, plusors nobles assaièron de formar d'alianças en vista de redurre lo poder reiau ò, pus simplament, d'aprofichar la situacion per aumentar sei territòris.
56 108

cambiaments