Sistèma digestiu uman : Diferéncia entre versions

La secrecion de [[suc gastric]] es una caracteristica fondamentala de l'[[estomac]] amb una produccion jornadiera de 3 a 4 [[litre|L]]. Assegura un ròtle important dins la [[digestion]] gràcias a la preséncia de [[pepsina]]s e d'[[acid cloridric]]. Lei [[pepsina]]s son d'[[enzim]]s que degradan lei [[proteïna]]s en [[idrolisi|idrolisant]] lei liames peptidics avans leis [[acid aminat|acids aminats]] aromatics. L'[[acid cloridric]] permet d'[[acid]]ificar lo contengut de l'[[estomac]]. Aquela [[acid]]itat es mantenguda a un [[pH]] situat entre 1,8 e 4 gràcias a un equilibri entre lei secrecions d'[[acid cloridric]] e l'efiech tampon dau quime.
 
La secrecion d'[[acid cloridric]] es l'òbra dei [[cellula bordant|cellulas bordantas]]. Aquelei cellulas fan partida dei glandas fondicas de la mucosa estomacau. Sota l'accion d'una H<sup>+</sup>/K<sup>+</sup>ATPasa, càmbian d'[[ion]]s H<sup>+</sup> còntra d'[[ion]]s K<sup>+</sup>. Aquò entraïna una aumentacion rapida de la quantitat d'ions H<sup>+</sup> dins la lutz gastrica. En parallèl, per cada ion H<sup>+</sup> secretat, es egalament secretat un ion Cl<sup>-</sup>, eissit de la circulacion sanguina, que migra vèrs la [[cellula bordanta]] en cambi d'un ion HCO<sub>3</sub><sup>-</sup>. Lo taus de secrecion pòu ansin aumentar de 2 mmol/h a 20 mmol/h. De son caire, lei [[pepsina]]s son produchas per lei [[cellula principala|cellulas principalas]]. Son formadas a partir de precursors, lei pepsicogèns, e liberadas per aquelei cellulas quand lo [[pH]] es inferior a 6.
 
La produccion de suc gastric es devesit en plusors fasas. Inicialament, es un reflèx liat a l'ingestion d'aliments, a la vista ò a l'odor de norridura ò a una manca de glucòsi dins l'[[organisme]]. Puei, una succession d'activacions cellularas mena a l'intrada en foncionament dei [[cellula bordant|cellulas bordantas]]. Lei cellulas principalas d'aqueu procès son lei [[cellula bordant|cellulas bordantas]] elei meteissei e dos grops de cellulas dichs [[cellula G|cellulas G]] (secretritz de la [[gastrina]]) e [[cellula H|cellulas H]] (secretritz de l'[[istamina]]).
 
L'[[inibicion]] de la fabricacion de [[suc gastric]] es entraïnada per tres factors diferents :
* la deteccion d'un [[pH]] inferior a 3 dins la lutz dei [[cellula G|cellulas G]] e [[cellula H|cellulas H]] que s'inactivan.
* la secrecion de [[secretina]] per lo [[duodenum]] qu'es un contraròtle permetent de limitar l'intrada d'aliments dins l'[[intestin]]. Aquela secrecion aumenta amb l'aciditat dau quime arribant dins aquel endrech.
* la liberacion de CGRP per lo [[sistèma nerviós]].
 
Enfin, la proteccion de la [[mucosa]] estomacala còntra leis efiechs dau [[suc gastric]] es assegurada per un jaç de [[mucus]] e per la secrecion d'[[ion]]s HCO<sub>3</sub><sup>-</sup> per lei cellulas accessòrias de la mucosa. Aqueleis [[ion]]s difusan dins la mucosa e an un efiech tampon sus lei penetracions d'[[acid]].
 
== L'intestin prim e lei glandas annèxas ==
44 481

cambiaments