Leon de Trípols : Diferéncia entre lei versions

'''Leon de Trípols''' es un renegat e un marin [[Grècia|grèc]] de la premiera partida dau sègle X qu'èra au servici deis [[Arabs|Arabes]]. Nascut dins una familha [[Empèri Bizantin|bizantina]], foguèt capturat per d'Arabes e convertit a l'[[islam]]. Comencèt alora una carriera de marin que li permetèt de venir [[amirau]]. Durant leis ans 900-910, menèt divèrseis expedicions en [[Mar Egèa]] còntra lei vilas e lei [[naviri]]s [[Empèri Bizantin|bizantins]]. En particular, capitèt de pilhar [[Tessalonica]] en [[904]]<ref>'''[[francés|(fr)]]''' Louis Bréhier, ''Vie et mort de Byzance'', Albin Michel, p. 130.</ref>, menacèt [[Constantinòble]] tres ans pus tard e infligiguèt una importanta desfacha a la flòta imperiala en [[912]]. Demorèt una menaça importanta fins a la destruccion de sa flòta en [[924]] per [[Joan Radinos]]. Segon lei racòntes de la batalha, capitèt de s'enfugir mai la fin de sa vida es desconeguda.