[[Fichièr:Afganistan - Lengas (esquèma simplificat).png|thumb|right|Esquèma simplificat de la distribucion lingüistica d'Afganistan.]]
Una quarentenau de [[lenga]]s son parladas per la populacion afgana e la mestraja d'unei lengas per un abitant es comuna. Lei principalas son aquelei dei grops etnics principaus dau país e son lo [[dari]] (un [[dialècte]] dau [[persan]]), lo [[pachtópashto]], divèrsei lengas turcas e lo [[baloch]]. En particular, lo [[dari]], parlat per aperaquí 50% de la populacion, es la lenga veïculara dau país e la lenga premiera dei Hazaras e d'unei grops tatgics dei regions nòrd ò centralas. Lo [[pachtópashto]] es la segonda lenga dau país (parlada per au mens 35% de la populacion<ref>Leis estimacions sus lo nombre de locutors dau pachtó son fòrça malaisadas car lei regions sud dau país son lo teatre centrau de la [[Segonda Guèrra d'Afganistan]]. Ansin, una partida d'aquelei locutors son pas recensats dempuei d'annadas.</ref>). Es la lenga majoritària dei regions sud. Aquelei doas lengas son lei doas [[lenga oficiala|lengas oficialas]] d'Afganistan. Leis autrei lengas pòdon aver un estatut oficiau dins lei regions onte son parladas per una partida importanta de la populacion locala.
