Reforma : Diferéncia entre lei versions

Lei premierei prepausions apareguèron tre lo [[sègle XV]] amb la publicacion de trabalhs religiós suggerissent de reformar l'[[Vatican|organizacion intèrna]] de la [[Glèisa Catolica|Glèisa]]. D'autrei formulèron de visions novèlas dau [[cristianisme]] que, de còps, se turtèron a la vision deis autoritats ecclesiasticas en plaça. Certanei foguèron condamnadas coma d'[[eretgia|eresias]] e durament reprimidas ([[Jan Hus]], [[John Wyclif]]...) mai la Glèisa foguèt pas capabla d'arrestar aqueu movement de reflexion. De mai, certanei sobeirans èran tanben partisans d'una reforma per demenir fòrtament lo poder dau [[papa]]. Dins lo corrent dau sègle XV, l'expression de l'idèa d'una reforma mai ò mens prefonda dau [[catolicisme]] venguèt donc relativament frequenta. Publicadas au sègle seguent, leis òbras de [[Martin Luther|Luther]] e de [[Joan Calvin|Calvin]] èran donc la perseguida d'un movement ancian que s'adreiçava a un public ja ben existent e favorable.

 

 

[[Fichièr:Josef Mathauser - Bitva u Lipan roku 1434.jpg|thumb|right|[[Batalha de Lipany]] durant la darriera crosada hussita.]]