[[Fichièr:Charles Montesquieu.jpg|thumb|200px|right|MontesquieuMontesquiu en 1728.]]
Carles Loís de Secondat, baron de La Brèda e de MontesquieuMontesquiu, conegut en francés e internacionalament jol nom de '''MontesquiuMontesquieu''' (abans lo [[18 de genièr]] de [[1689]] a [[la Breda|la Brèda]] ([[Gasconha]]) - [[París]] lo [[10 de febrièr]] de [[1755]]) foguèt un pensaire [[politica|politic]], precursor de la [[sociologia]], [[filosofia]] e [[escrivan]] del [[Sègle de las Luses]].
MontesquieuMontesquiu, amb entre autres [[John Locke]], foguèt un dels pensaires de l'organizacion politica e sociala de las societats modèrnas. Trabalhèt sus lo despartiment de las foncions de l'Estat entre sas diferentas compausantas, apelat mai tard « principi de [[separacion dels poders]] ». Sa contribucion bèla es d'aver sauput expausar als sieus contemporanèus dos modèls de libertat politica : la « libertat moderada » del regim monarquista e la « libertat extrèma » representada per la Constitucion d'Anglatèrra.
[[Fichièr:Chateau la brede.jpg|left|thumb|[[Castèl de la Breda]]]]
Filh de Jacme de Secondat, [[Baron (noblessa)|baron]] de MontesquieuMontesquiu (1654-1713) e de Maria Francesa de Pesnel, barona de [[la Breda]] (1665-1696), MontesquieuMontesquiu nasquèt dins una familha de magistrats de la bona noblessa, al [[castèl de la Breda]] (prèp de [[Bordèu]] en [[Gasconha]]) que ne'n portèt d'en primièr lo nom e que i serà totjorn fòrça estacat. Los sieus parents li causiguèron un mendicant per pairin per fin que se remembrèsse tota sa vida que los paures èran los sieus fraires.
