Vriulon barròc : Diferéncia entre lei versions

 

Las caracteristicas deu vriulon barròc que son :

* Ua [[barra d'armonia]] mei corta.<br>

* Un [[pontet]] mei pesuc, mens vòutat (mei plat) e de fòrmas desparièras au pontets modèrnes.<br>

* Un [[manjo (laüteria)|manjo]] generau perpendicular a la [[caisha d'armonia]] e qui non marca pas l'angle d'inclinason de la tòca, puish qu'ei la tòca era medisha (dita compensada) la qui marca l'angle que forma dab l' eish orizontau manjo - caicha d'armonia.<br>

* A còps l'emplec d'ua mei grana varietat de husta (sustot per la tòca, lo [[boton (laüteria)|boton]] e las [[cavilha]]s) e ua ondradura mei rica.<br>

De segur, durant los tres sègles de fabricacion deus instruments qui son aperats barròcs uei lo dia, cada laütièr, cada escòla o cada ciutat qu'a, a còp, desenvolopat las soas nòrmas pròpias e aquestas caracteristicas que coneishen ua pièla de variantas. En mei d'aquò, com los instruments ancians be hon tostemps recercats per'mor de la qualitat deu lor son, mantuns deus géncers que hon mutilats entà ne har vriulons modèrnes: aquò qu'ei, per exemple, lo cas de la grana majoritat deus vriulons [[stradivarius]] jogats peus màgers musicians de uei lo dia.

 

Que cau soslinhar tanben que las còrdas de tripas d'aulhas be hon ampliament emplegadas dinc aus sègles XIX e XX abans d'estar quasi sistematicament remplaçadas per còrdas metallicas. Tant vau díser que non son teoricament pas ua caracteristica especifica de l'epoca barròca.