1938 : Diferéncia entre lei versions
Contengut suprimit Contengut apondut
Linha 36 :
Fin dei [[Grands Procès de Moscòu]] ambé lo Procès dei 21 (execucion d'[[Aleksei Ríkov]], de [[Nikolai Bukharin]], de [[Guénrikh Iagoda]]... etc.) e lo remplaçament de [[Nikolai Iejov]], cap dau NKVD, per [[Lavrenti Beria]]. Entre cinc e sièis milions de Sovietics èran estats victimas (arrestacion, desportacion ò execucion) dei Grandei Purgas que laissèron un sovenir de terror au sen de la societat fins a la mòrt de [[Stalin]].
===
==== [[China]] ====
Après sei desfachas de l'annada precedenta, [[China]] contunièt de se batre còntra [[Japon]]. De març a mai, resistiguèt a una [[Batalha de Xuzhou|ofensiva nipona còntra Xuzhou]] e [[Batalha de Taierzhuang|Taierzhuang]]. Lo premier combat s'acabèt a l'avantatge dei Japonés mai lo segond foguèt una victòria chinesa. Dins lei dos cas, lei Chinés, pus nombrós mai mens equipats e comandats, mostrèron de progrès importants e capitèron de rompre d'enceuclaments enemics e mai d'isolar e de destrurre d'unitats japonesas. Lei pèrdas d'aquelei doas batalhas foguèron duras per lei dos ambé respectivament {{formatnum:130000}} soudats chinés e {{formatnum:50000}} militars japonés perduts.
{{veire|Batalha de Wuhan}}
Après aquela revirada, l'armada imperiala decidèt de tornar prendre sa politica de destruccion dei centres politics de la Republica. Per aquò, mandèt {{formatnum:350000}} òmes còntra lei 1,2 milion de Chinés cargats de defendre la [[capitala]] provisòria installada a [[Wuhan]]. Lo resultat foguèt un combat saunós marcat per la pèrda de {{formatnum:225000}} defensors e de {{formatnum:107000}} asalhidors. De mai, lo conflicte ganhèt encara en intensitat ambé l'utilizacion d'[[arma quimica|armas quimicas]] per lei Japonés. Finalament, la vila foguèt conquistada lo 27 d'octòbre d'ofensiva.
Dins aquò, [[Chiang Kai-shek]] refusèt totjorn de negociar e se retirèt dins la vila montanhosa de [[Chongqing]] qu'èra totalament en fòra de la portada deis atacas terrèstras japonesas. Per rompre la resisténcia chinesa, l'armada imperiala decidèt alora d'organizar lo bombardament sistematic dei metropòlis dau país, çò qu'anava entraïnar la mòrt de centenaus de miliers d'abitants. En particular, [[Chongqing]] foguèt la vila pus bombardada de tota la [[Segonda Guèrra Mondiala]].
=== Arts===
| |||
