|
<!--Article redigit en gascon-->
[[Fichièr:View from Gorham's Cave, Gibraltar.JPG|right|thumb|250px|Vista de la mar d'Alboran despuish l'espeluga de Gorham]]
[[Fichièr:Gorham's Cave.jpg|left|thumb|250px|Vista de l'espeluga de Gorham dens la cara èst de l'[[arròc de Gibartar]]]]
L''''[[espeluga]] de Gorham''' que s'obreish au bòrd de la mar a [[Gibartar]], dens la cara èst de l'[[arròc de Gibartar|arròc]]. Que deu lo son nom au capitani A. Gorham, oficièr britanic qui la descrobí en 1907.
Qu'ei considerada com la darrèra abitacion coneishuda de l'[[òmi de Neandertal]]. Las [[recèrca]]srecèrcas recentas que muishan ua darrèra ocupacion neandertaliana enter {{formatnum:28000}}-{{formatnum:24000}} ans abans lo present, valent a díser l'òmi de Neandertal qu'auré donc longament coabitat dab l'[[Homo sapiens|òmi anatomicament modèrne]], present dens la region despuish {{formatnum:32000}} ans. Las espelugas de Gibartar que contunhèn d'estar emplegadas peus òmis modèrnes arron de l'extincion finau deus neandertalians. Los depòsts de l'espeluga de Gorham qu'an hornit ustensilhas de pèira, larèrs ancians e òs d'animaus datats enter {{formatnum:40000}} e {{formatnum:5000}} ans a. Qu'embarra raras [[art rupèstre|pintruras rupèstras]] deu [[Paleolitic]] Superior.
Qu'ei estada, despuish la soa descobèrta, un sitesit d'un interès arqueologic considerable. La recèrca arqueologica que i a descrivut 4 nivèus estratigrafics: lo purmèr nivèu que muisha un usatge fenician enter los sègles VIII-III abans lo Crist; çai jos que i avó ua brèva utilizacion [[neolitic]]a; lo nivèu III qu'a hornit ustensilhas d'origina [[magdalenian]]a e [[solutrean]]a; lo nivèu IV qu'a dat 103 objèctes, inclusent puntas de lança, cotèths e instruments de gratatge, identificats com [[mosterian]]s e que muisha un usatge de contunh durant millennis.
===Ligams extèrnes===
* [http://www.gibmuseum.gi/Gorhams_History.html L'espeluga de Gorham suu sitesit deu musèu de Gibartar]
* [http://www.sedeck.org/revista/a3-1.pdf J. Rodríguez Vidal, L.M. Cáceres, F.J. Gracia, A. Martínez Aguirre, C. Finlayson, F. Giles, A. Santiago e C. Peguero (2002): "Lo relèu karsticcarstic de Gibartar com bilanç morfosedimentari durant lo Quaternari (Mediterranèa occidentau)". Bulletin n. 3 de la Societat Espanhòla d'Espeleologia e de las Sciéncias de la Mar]
{{Portal preïstòria}}
| 