Anna Atkins : Diferéncia entre lei versions

Educada per son paire [[John George Children]] ([[1777]]-[[1852]]) qu'èra un naturalista famós<ref>La maire d'Anna Atkins es mòrta rapidament après sa naissença.</ref>, Anna Atkins recebèt una educacion [[sciéncia|scientifica]] avançada e s'orientèt vèrs l'illustracion deis obratges de [[botanica]]. Tre leis ans 1820, participèt ansin a la realizacion de dessenhs[[dessenh]]s per de publicacions de remarca coma la traduccion [[anglés|anglesa]] de l'''[[Istòria dei Mollusques]]'' de [[Jean-Baptiste de Lamarck]] ([[1744]]-[[1829]]).

En [[1825]], se maridèt ambé [[John Pelly Atkins]] e comencèt a d'estudiar la [[biologia]]. En particular, comencèt la confeccion d'un important [[erbari]]. En [[1839]], venguèt sòci de la [[Societat botanica de Londres]]. Dos ans pus tard, comencèt de s'interessar ais [[alga]]s. Gràcias a son paire, descurbiguèt tanben lei trabalhs de [[William Fox Talbot]] ([[1800]]-[[1877]]) e de [[John Herschel]] ([[1792]]-[[1871]]) sus la [[fotografia]]. Ne comprenguèt rapidament l'interès e adoptèt rapidament la tecnica fotografia d'Herschel, lo [[cianotipe]], dins son trabalh. Ansin, en [[1843]], son obratge sus leis [[alga]]s foguèt lo premier libre illustrat per de [[fotografia]]s. Publiquèt un trabalhs similar sus lei [[feuse]]s en [[1853]].