1942 : Diferéncia entre versions

2 412 octets aponduts ,  fa 3 anys
pas cap de resumit de modificacion
 
=== [[America]] ===
 
==== [[USA|Estats Units d'America]] ====
 
[[File:Tribune Apr 24 1942.jpg|thumb|right|Jornau [[USA|estatsunidenc]] ''The Tribune'' anonciant la conquista japonesa dei Filipinas.]]
[[File:USS_Yorktown_hit-740px.jpg|thumb|right|Pòrta-avions estatsunidenc ''[[USS Yorktown]]'' assaiant de se protegir còntra leis avions japonés a la [[batalha de Midway]].]]
 
Après l'[[Ataca de Pearl Harbor|ataca còntra la basa estatsunidenca de Pearl Harbour]] (→ [[1941]]), leis Estats Units d'America jonhèron la guèrra còntra [[Japon]], [[Alemanha]] e [[Itàlia]]. Tres axes principaus foguèron mobilizats. Premier, sus son territòri, [[Washington]] organizèt son economia per produrre rapidament una gròssa quantitat d'armaments per provesir d'armas a tot lo camp aliat. Per empedir tota campanha de sabotatge, ordonèt tanben l'arrestacion de tota la populacion d'origina japonesa que foguèt estremat dins de camps de concentracion fins a la fin de la guèrra.
 
Puei, la guèrra còntra [[Japon]] foguèt la prioritat principala de l'annada. Assaiant de protegir lei [[Filipinas]], leis Estatsunidencs i enregistrèron plusors desfachas e sei tropas deguèron capitular en abriu e en mai. Pasmens, entre lo 4 e lo 8 de mai, la flòta estatsunidenca capitèt d'arrestar la progression japonesa a la [[batalha de la Mar de Coralh]]. Aquò permetèt de desbarcar de tropas dins leis [[Illas Salomon]] onte comencèt una campanha saunosa per protegir lei linhas de comunicacion amb [[Austràlia]] (→ [[1943]]). Puei, lo mes seguent, la descubèrta dau plan d'ataca japonés còntra l'illa de [[Midway]] permetèt d'infligir una gròssa desfacha a la marina de l'Empèri Nippon. Sus lei doas batalhas, lei Japonés perdiguèron cinc pòrta-avions, còntra dos ais Estatsunidencs, e foguèron obligats d'abandonar l'iniciativa estrategica.
 
En [[Euròpa]], leis operacions foguèron mens importantas. Lo teatre principau foguèt aqueu de la lucha còntra lei [[sosmarin]]s [[Alemanha|alemands]]. Dins aquò, maugrat de succès non negligibles, lei [[naviri]]s alemands empachèron gaire lo passatge dei transpòrts aliats. Enfin, en novembre, leis Estatsunidencs participèron au desbarcament aliat en Africa dau Nòrd. Après una brèva resisténcia [[França|francesa]], la region foguèt presa e leis Aliats comencèron d'atacar [[Tunisia]] qu'èra ben tenguda per leis Alemands e leis Italians (→ [[1943]]).
 
==== [[Republica Dominicana]] ====
44 025

cambiaments