Cameron : Diferéncia entre lei versions
Contengut suprimit Contengut apondut
Linha 48 :
==== La colonizacion alemanda ====
Lo [[litorau]] cameronés foguèt reconeguda per lei [[Portugal|Portugués]] a partir de [[1460]]. Durant aquelei viatges, lo navegaire [[Fernando Poo]] donèt lo nom de « Rio dos Camarões » (« Riu dei Cambaròt » en [[occitan]]) au riu [[Wouri]] que foguèt a l'origina dau [[mòt]] « Cameron ». A partir dau sègle XVII, lo comèrci ambé leis [[Euròpa|Europèus]] venguèt una activitat importanta e d'estats costiers se formèron a partir dei revenguts eissits dei trafecs d'[[evòri]] e d'[[esclavatge|esclaus]].
Lei [[Prússia|Prussians]] desbarquèron en Cameron en [[1860]]. En [[1884]], l'explorator [[Gustav Nachtigal]] signèt de tractats de [[protectorat]]s ambé divèrsei caps locaus e [[Otto von Bismarck|Bismarck]] acceptèt de conquistar lo país après una revòuta indigèna. Un an pus tard, d'acòrds ambé [[França]] e lo [[Reialme Unit|Reiaume Unit]] permetèron d'esboçar lei [[frontiera]]s de la [[colonialisme|colonia]]. Se lo rèi de [[Bamum]] chausiguèt de negociar, leis autrei sobeirans locaus assaièron de resistir e la conquista [[Alemanha|alemanda]] foguèt violenta e lònga. S'acabèt oficialament en [[1905]] mai de combats contunièron dins certanei regions fins a [[1914]].
Consequéncia de la conquista malaisada, leis [[Alemanha|Alemands]] establiguèron un regime d'administracion unicament dins lei regions meridionalas. Dins lo rèsta dau país, laissèron en plaça lei captaus locaus. L'esplecha de la colonia se concentrèt sus lei matèrias premieras : [[fusta]] e [[evòri]] dins lo sud-èst, plantacions de [[cacau]], de [[banana]]s ò de [[cafè]] dins lo centre e [[cauchó]] dins totei lei regions propícias au desvolopament de plantacions d'[[evea]]s. Per fornir la man d'òbra necessària au foncionament dei plantacions, utilizèron lo trabalh fòrçat.
En [[1911]], après d'acòrds ambé [[França]], Cameron obtenguèt divèrsei territòris qu'aumentèron sa superficia a l'oèst e que li donèron un accès dirèct au [[fluvi]] [[Còngo (fluvi)|Còngo]]. Tres ans pus tard, quand la [[Premiera Guèrra Mondiala]] comencèt, [[França]] e lo [[Reialme Unit|Reiaume Unit]] l'ataquèron e l'ocupèron en [[1916]] en despiech de la resisténcia acarnada dei tropas colonialas alemandas.
==== Lo mandat francobritanic ====
| |||