Susmauta deus Crocants : Diferéncia entre lei versions

En junh de 1643, a la mort de [[Loís XIII de França|Loís XIII]], que's suslhevèn los paisans de [[Roergue]] que's suslhevèn. La revòlta miada per Bernat Caumèls, chafrat {{Cita|la Forca}}, que partí de [[Marcilhac (del Valon)|Marcilhac]] en tot assietar [[Vilafranca de Roergue|Vilafranca]]. Devath lo çurgent [[Joan Petit]] e lo maçon-auberjaire Guilhèm Braç, que forcèn l'intendent Charreton a signar duas ordonanças, l'ua descargant de las talhas de l'annada tà tot Roergue, l'auta tornant a la taxa de 1618. Hòrts per aquera escadença, los crocants, en gran nombre, tornar assietèn Vilafranca a l'estiu mes qu'estón vençuts peu governador de província. Los miaires qu'estón arrestats. Joan Petit e Guilhèm Braç qu'estón condamnats au suplici de l'arròda. Bernat Caumèls qu'arribè a escapà's e que s'arrepleguè au [[Castèl de Najac|Castèth de Najac]]. Las tropas de [[Jules Mazarin|Mazarin]], miadas peu comte de [[Noalhas (Causse de Martèl)|Noalhas]], governador de [[Najac]], que prengón Najac. Bernat Caumèls e dus deus sons lòctenents, Ferrièr, e lo tisnèr Matieu Vèrnhes, qu'estón arrestats e condamnats au suplici de l'arròda en octobre de 1643. Lo cap de Bernat Caumèls serà expausat a l'estrem d'ua pica sus ua tor de Marcilhac, d'on èra partida la suslhevada.