Escòrpi I : Diferéncia entre lei versions

[[Fichièr:Serket Edfu Temple.jpg|thumb|Escòrpi siguec un des prumèrs faraons pendent eth periòde protodinastic. Eth sòn nom hè referencia ara deessa Serket.]]

 

Se pensa que demorèc en [[Tinis]] un o dus sègles abans qu'eth mielhor conegut arrei [[Òrus Escorpion|Escòrpi de Nekhen]]. Segontes Günter Dreyer, eth tombèu U-j deth cementèri reiau d'[[Abidos]] ei sòn. Aciu siguèren enterradi es arreis tinites. Aguest tombèu siguec ja raubat pendent era ancianetat mès s'i an trapat plan de petites plaques d'evòri, totes damb un horat e dilhèu ua o mès marques jeroglifiques que poirien èster noms de viles e dilhèu èren destinades a èster estacades a quauque tribut o aufrenda e poder atau èster identificades. Dues d'aguestes plaques hen referencia a [[Baset]] e [[Buto]], dues viles deth Delta deth Nil e açò confirmarie qu'es armades d'Escòrpi I avien dintrat laguens eth [[Baish Egipte]]. <ref>Documentau El rey escorpión Col. "Los misterios de Egipto", dirigit per David Lee per a Atlantic Productions Ltd, ed. National Geographic, 2008 - John Darnell e Günter Dreyer, demest autes, presenten es conclusions des sues investigacions sobre er arrei Escòrpi.</ref>