Veneçuèla : Diferéncia entre lei versions
Contengut suprimit Contengut apondut
Linha 202 :
[[Rómulo Gallegos]] foguèt tornat elegir a la presidéncia en decembre de [[1958]] e lo demorèt fins a [[1964]]. Organizèt una reforma agrària — limitada — e participèt a la fondacion de l'[[Organizacion dels Païses Exportadors de Petròli|Organizacion dei País Exportators de Petròli]] ([[Organizacion dels Païses Exportadors de Petròli|OPEP]]). Son successor, [[Raúl Leoni]] ([[1964]]-[[1969]]), capitèt de negociar ambé lei [[guerilha]]s la fin de la lucha armada en cambi d'una amnistia. Après la [[Guèrra de Kippur]] (octòbre de [[1973]]), lo president [[Carlos Andrés Pérez]] [[nacionalizacion|nacionalizèt]] l'industria [[petròli|petroliera]] lo 1{{èr}} de genier de [[1976]]. Demorèt pron prudent per pas rompre ambé [[Washington]] e aquela decision encoratjèt lo desvolopament de la corrupcion au sen dau [[govèrn]].
Pasmens, lei cors deis [[idrocarbur]]s demeniguèron, çò qu'entraïnèt de dificultats economicas durant la presidéncia de [[Carlos Andrés Pérez]] ([[1979]]-[[1984]]). Sota [[Jaime Lusinchi]] ([[1984]]-[[1989]]), foguèt adoptada una politica d'austeritat que sei consequéncias foguèron una demenicion dau nivèu de vida e una aumentacion grèva dau [[caumatge]]. [[Carlos Andrés Pérez]], tornarmai president de [[1989]] a [[1993]], estendèt l'austeritat e menèt de plans d'ajustament fòrça durs. Aquò entraïnèt d'esmogudas a [[Caracas]] (300 [[mòrt]]s) e una multiplicacion dei grèvas. Puei, l'agitacion se difusèt au sen de l'armada e doas temptativas de còp d'estat militar aguèron luòc en octòbre — organizada per lo [[coronèu]] [[Hugo Chávez]] — e en novembre de [[1992]]. Un an pus tard, [[Carlos Andrés Pérez|Pérez]] foguèt destituit per lo Congrès après d'escandòls financiers.
[[Rafael Caldera]] foguèt elegit per lo remplaçar gràcias au sostèn d'una larga coalicion de [[partit politic|partits]] ostils a son adversari (eissit dau [[sindicat|sindicalisme]]). Pasmens, la crisi s'agravèt amb una tiera de falhidas bancàrias e una demenicion dei pretz petroliers. Descreditadas, l'[[Accion Democratica (Veneçuèla)|Accion Democratica]] e la [[Copei]] perdiguèron lo poder en [[1998]] ambé l'eleccion de l'ancian putschista [[Hugo Chávez]].
| |||