1938 : Diferéncia entre lei versions

==== [[Alemanha]] ====

 

 

Regardant la politica antisemita d'Hitler, l'annada confirmèt leis evolucions de [[1937]] e sa volontat d'eliminar lei jusieus alemands. L'intensitat dei mesuras antisemitas aumentèt e la violéncia se generalizèt ([[incendi]] dei [[sinagòga]]s de [[Munic]] lo 9 de junh ò de Nuremberg lo 10 d'aost). L'objectiu dei Nazis èra d'ara d'entraïnar l'emigracion dei jusieus alemands vèrs d'autrei país. Ansin, dins la nuech dau 28 au 29 d'octòbre, per venjar la mòrt d'un conselhier de l'ambassada alemanda de [[París]] tuat per un exilat jusieu alemand, lei Nazis organizèron un pogrom gigant dins tot lo Reich. Entraïnèt la mòrt 91 personas, la destruccion de 267 sinagògas e de 7 500 botigas e l'arrestacion de 30 000 jusieus que foguèron desportats dins lei camps de concentracion per la Gestapo. Puei, lo 12 de novembre, un impòst novèu foguèt creat, pagat solament per la communautat jusieva, per remborsar lei degalhs e lo regim decidiguèt « l'arianizacion » de totei leis entrepresas jusievas. Enfin, a la fin de l'annada, lei jusieus foguèron expulsats ''manu militari'' d'[[Àustria]] e de [[Checoslavaquia]].