Brunei : Diferéncia entre lei versions

Pasmens, la situacion agravèt dins lo corrent dau sègle XIX quand un aventurier [[Reialme Unit|britanic]] dich [[James Brooke]] foguèt nomat en [[1841]] governador dau [[pòrt]] de [[Kuching]] après sa victòria còntra una insureccion locala. I fondèt la dinastia dei [[Rajàs Blancs]] e lo [[Reiaume de Sarawak]]. En [[1846]], obtenguèt la plena sobeiranetat de part de [[Brunei]] e acomencèt d'estendre son territòri, principalament au detriment de son ancian senhor. Son fiu [[Charles Brooke]] contunièt son òbra e, en [[1890]], [[Brunei]] èra reduch au relarg de sa [[capitala]] e au nòrd extrèm de l'illa onte lo [[Sultanat de Sulu]] aviá jamai establit son autoritat d'un biais permanent.

Dins lo corrent deis annadas 1870, aquela darriera region acomencèt d'interessar [[Espanha]] e divèrseis aventuriers. D'efèct, en [[1878]], lo sultanat de [[Sulu]] foguèt desfach per leis [[Espanha|Espanhòus]] qu'annexèron son territòri, compres sei possessions dau nòrd-èst de [[Bornèo]]. Dins aquò, un an aperavans, dos aventuriers, lo baron [[Àustria|austrian]] [[Gustav Overbeck]] e lo [[Reialme Unit|Britanic]] [[Alfred Dent]], avián obtengut una concession sus la region de part dau sultan de Brunei. Aquò suscitèt un conflicte e [[Alfred Dent]] obtenguèt lo sostèn de [[Londres]]<ref>Enterin, Overbeck aviá abandonat e vendut sei parts a Dent.</ref>. En [[1885]], un tractat entre lo [[Reialme Unit|Reiaume Unit]] e [[Espanha]] permetèt de fixar lo limit dei possessions respectivas. [[Alfred Dent|Dent]] fondèt alora la [[British North Borneo Company]] (BNBC) per esplechar la region. Puei, per defugir un problema similar ambé lei [[Païses Basses|País Bas]], lei Britanics placèron tanben [[Sarawak]] e [[Brunei]] sota sa proteccion entre [[1886]] e [[1888]].