Cambòtja : Diferéncia entre lei versions
Contengut suprimit Contengut apondut
Linha 126 :
==== La guèrra de Cambòtja ====
En despiech dei crimes dei Khmers Roges, l'invasion vietnamiana mau capitèt de restablir la [[patz]]. Au contrari, marquèt l'acomençament d'una segonda guèrra civila entre lo govèrn provietnamian, la Republica Populara de Kampuchea (RPK), e lei Khmers Roges, sostenguts per una coalicion eteroclita d'enemics de [[Vietnam]] ([[Republica Populara de China|China]], [[USA|Estats Units]], [[Tailàndia]]... etc.) e per una partida de la ruralitat. De negociacions de [[patz]] acomencèron en [[1987]] e l'armada vietnamiana se retirèt dau territòri khmer l'annada seguenta.
En [[1991]], un acòrd de [[patz]] generau foguèt signat a [[París]] e lei [[ONU|Nacions Unidas]] installèron una autoritat provisòria per organizar lo desarmament dei diferentei guerilhas e organizar d'eleccions liuras en [[1993]]. [[Norodom Sihanouk|Sihanouk]] tornèt venir rèi — mai sensa poder vertadier — e [[Hun Sen]], Premier Ministre de la RPK dempuei [[1985]], demorèt [[cap dau govèrn]]. La RPK cambièt tanben de nom per venir l'Estat de Cambòtja.
En [[1993]], leis eleccions venguèron la victòria dau partit reialista [[Frònt Uni Nacionau per un Cambòtja Independent, Neutre, Pacific e Cooperatiu]] ([[Frònt Uni Nacionau per un Cambòtja Independent, Neutre, Pacific e Cooperatiu|FUNCINPC]]) seguit per lo [[Partit dau Pòble Cambotjan]] ([[Partit dau Pòble Cambotjan]|PPC]]) de [[Hun Sen]]. Una [[constitucion]] foguèt proclamada lo 24 de setembre e lo reiaume de Cambòtja oficialament restablit. [[Norodom Ranariddh]] e [[Hun Sen]] ocupèron la foncion de Premier Ministre. Lei Khmers Roges assaièron de s'opausar a aqueu procès mai, d'ara endavant privat de sostèns estrangiers, foguèron definitivament eliminats entre [[1996]] e [[1999]].
==== Cambòtja dempuei 1999 ====
| |||