Paquistan : Diferéncia entre lei versions
Contengut suprimit Contengut apondut
Cap resum de modificació |
|||
Linha 51 :
En [[1956]], l'adopcion d'una [[constitucion]] organizant oficialament Paquistan coma una federacion de doas províncias (Paquistan Occidentau e Paquistan Orientau) agravèt lo maucontament de plusors pòbles minoritaris de la mitat occidentala en causa de la dissolucion deis ancianei províncias istoricas. En fàcia dau desvolopament de l'instabilitat politica, lo president [[Iskander Mirza]] decidèt alora de reagir d'un biais autoritari. En octòbre de [[1958]], prononcièt l'abrogacion de la [[constitucion]], la dissolucion dei [[partit politic|partits politics]] e la proclamacion de la [[lèi marciala]] que son aplicacion foguèt fisada au generau [[Ayyub Khan]].
=== Lo periòde Ayyub Khan ===
[[Ayyub Khan]] dirigiguèt Paquistan de [[1958]] a [[1969]]. Marginalizat, [[Iskander Mirza]] perdiguèt rapidament lo contraròtle de l'Estat e deguèt laissar sa plaça de president au generau. Un an pus tard, lo [[govèrn]] paquistanés foguèt dirèctament installat dins lei bastiments de l'estat-major de l'armada. Una reforma agrària foguèt organizada au profiech dei païsans mai sensa tocar ais interès dei grands proprietaris terrencs. En [[1962]], una [[constitucion]] novèla instaurèt un regime presidenciau ambé l'eleccion dau President e de l'Assemblada Nacionala per un còrs electorau reduch de {{formatnum:80000}} grands electors designats localament. Permetèt tanben de levar la [[lèi marciala]] e d'organizar d'eleccions que s'acabèron per la reeleccion d'[[Ayyub Khan]] en [[1965]].
En parallèl d'aquela òbra d'estabilizacion intèrna, [[Ayyub Khan]] menèt una politica [[diplomacia|diplomatica]] que li permetèt de se raprochar deis [[Estats Units d'America]] e de [[Republica Populara de China|China]] que se maufisavan d'[[Índia]], pròcha de l'[[URSS|Union Sovietica]]. Après lo conflicte sinoindian de [[1962]], un acòrd entre Paquistan e [[Republica Populara de China|China]] permetèt ansin de fixar lo traçat d'una [[frontiera]] dins la region de [[Karakorum]]. Lo govèrn paquistanés pensèt tanben èsser capable d'afrontar militarament [[Índia]] per resòuvre lei nombrós desacòrdis frontaliers entre lei dos país. La guèrra ([[Segonda Guèrra Indopaquistanesa]]) se debanèt en [[1965]]. Pasmens, après quauquei victòrias inicialas, l'armada paquistanesa conoguèt una tiera de dificultats e lo ''statu quo ante bellum'' foguèt restablit après l'adopcion d'un alta-au-fuòc.
Après aquela guèrra, [[Ayyub Khan]] assaièt sensa succès de negociar un tractat de [[patz]] definitiu amb [[Índia]] mai la mòrt dau Premier Ministre indian [[Lal Bahadur Shastri]] e d'oposicions intèrnas fòrtas empachèron la realizacion d'aqueu projècte. Puei, a partir de [[1967]], lo President deguèt subretot se preocupar dau renfòrçament dei partits d'oposicion ambé la fondacion dau [[Partit dau Pòble Paquistanés]] ([[Partit dau pòble paquistanés|PPP]]) per [[Ali Bhutto]] e la formulacion de revendicacions d'autonòmia pus importanta per lo Paquistan Orientau per la [[Liga Awami]] d'ara endavant dirigit per [[Mujibur Rahman]]. En [[1969]], laissèt sa plaça au generau [[Yahya Khan]] que restabliguèt la [[lèi marciala]] mai organizèt l'eleccion d'una assemblada constituenta au [[sufragi universal|sufragi universau]] en decembre de [[1970]].
== Politica ==
| |||