L'estandardizacion deu swahili qu'estó en prumèras lo fèit deu poder coloniau britanic qui conta-rotlavacontarotlava Zanzibar e lo [[Tanganyika]] (la futura [[Tanzania]]), lo [[Kenya]] e l'[[Oganda]]. Aquera iniciativa qu'èra destinada a facilitar lo tribalh deu poder coloniau e non a melhorar la vita deus abitants<ref>Alain Ricard, ''op. cit.'', p. 37</ref> ; qu'estó decidida peu Comitat d'estandardizacion reünit a [[Dar-es-Salaam]] en [[1925]] e confirmada a la reünion de [[Mombasa]] ([[1928]]). En [[1930]] qu'estó creat un Comitat Interterritoriau per la Lenga<ref>''Inter-Territorial Language Committee for the East African Dependencies''</ref> encargat de difusar l'estandard dens l'ensenhament e l'edicion, d'encoratjar los escrivans e de suscitar vocacions. Per contra, las autoritats deu [[Republica Democratica de Còngo|Còngo]] bèlga n'amuishèn pas guaira de volontat de participar a l'estandardizacion de la lenga.
La difusion deu swahili au Tanganyika qu'estó rapida e en [[1964]], lo navèth Estat de Tanzania que causí lo swahili com lenga oficiau e que decidí de continuar l'amainatjament lingüistic ; mes lo Kenya e l'Oganda que's desinteressavan de la question.
