Batalha de Peleliu : Diferéncia entre lei versions

La '''batalha de Peleliu''' se debanèt dau 15 de setembre au 25 de novembre de [[1944]] dins lo corrent de la [[Segonda Guèrra Mondiala]]. Opausèt una fòrça d'assaut de {{formatnum:32000}} òmes, sostenguts per una esquadra gropants 6 [[cuirassat]]s, 8 [[crosaire]]s e 8 [[pòrta-avions]], a la [[garnison]] [[japon]]esa de l'illa qu'alinhava {{formatnum:11000}} òmes. En causa de la revirada dei bombardaments navaus que mau capitèron de destrurre lo ret de [[fortificacion]]s japonés, leis asalhidors se turtèron a una resisténcia acarnada. La presa de l'illa, que sa superfica es de solament 13 km², foguèt donc lònga e saunosa. Leis Estatsunidencs perdiguèron aperaquí {{formatnum:8400}} òmes ({{formatnum:1500}} tuats e {{formatnum:6900}} bleçats) e lei Japonés foguèron quasi anientats (solament 200 presoniers) car refusèron de capitular. La batalha foguèt fòrça criticada au sen de l'armada estatsunidenca en causa dei pèrdas importantas subidas e de l'interès estrategic quasi nul de l'illa.