1942 : Diferéncia entre lei versions
Contengut suprimit Contengut apondut
Linha 31 :
Regardant la politica racista e antisemita dau regime [[nazisme|nazi]], la [[conferéncia de Wannsee]] (20 de genier) organizèt la generalizacion de l'exterminacion sistematica dei pòbles « inferiors » (Eslaus, presoniers [[URSS|sovietics]], [[Judaïsme|Josieus]], [[Gitan]]s...). D'arrestacions, de desportacions e d'execucions massivas se debanèron alora en [[Euròpa]] de l'Èst. Lei desportacions èran dirigits vèrs lo sistèma de camps de concentracion e d'exterminacion alemand e leis execucions èran dirèctament organizadas per lei grops d'execucion de l'armada alemanda (''[[Einsatzgruppen]]'') que foncionavan dempuei [[1939]]. D'autrei metòdes mens eficaças foguèron tanben assaiats. Pasmens, lo metòde dei camps, que permetiá d'exterminar rapidament de milièrs de personas (famina, trabalh fòrçat, chambras de gas), s'impausèt rapidament. Lei presoniers de guèrra sovietics conoguèron ansin de condicions de detencion fòrça duras e aperaquí 2,8 milions de presoniers de l'Armada Roja moriguèron entre [[1941]] e 1942.
==== [[Union Sovietica]] ====
[[File:Bundesarchiv Bild 183-R90142, Russland, Kesselschlacht Stalingrad.jpg|thumb|right|Combats dins una usina de Stalingrad.]]
[[File:Bundesarchiv Bild 183-E0406-0022-001, Russland, Kesselschlacht Stalingrad.jpg|thumb|right|Soudats sovietics durant l'ofensiva de novembre a l'entorn de Stalingrad.]]
Au començament de l'annada, l'armada sovietica menèt divèrsei còntra-ofensivas còntra lei fòrças alemandas que se retiravan de la region de [[Moscòu]]. Aquò causèt de pèrdas importantas dins lei rengs enemics mai l'armada alemanda s'afondrèt e aprofichèt la demenicion dei resèrvas sovieticas e lo desgèu per estabilizar lo front. En revènge, lo [[sètge de Leningrad]] poguèt pas èsser romput e de milièrs d'abitants moriguèron en causa de la manca de viures. Après aquelei combats, la guèrra conoguèt una pausa relativa fins ai mes d'abriu-mai.
D'efèct, dins lo corrent d'abriu, la ''Wehrmacht'' acomencèt la preparacion d'una gròssa ofensiva còntra la mitat sud dei linhas sovieticas. L'objectiu èra de conquistar la region de [[Vòlga]] e lei jaciments de [[petròli]] de [[Caucàs]]. Pasmens, leis Alemands deguèron premier arrestar una ofensiva sovietica dins la region de Karkòv. Capitèron tanben de redurre la resisténcia de [[Sebastopòl]] que capitulèt lo 4 de julhet après 250 jorns de sètge. Puei, lo 28 de junh, rompèron lo front dins la region de [[Voronej]] e 500 km de front sovietic s'afondrèron. Rostov foguèt perduda lo 23 de julhet e lo 21 d'aost, un grop d'alpinistas alemands agantèt la cima dau [[mont Elbroz]].
En parallèl de l'avançada vèrs Caucàs, una armada alemanda se dirigiguèt vèrs [[Vòlga]] que foguèt agantada lo 20 d'aost. Puei, entre lo 1{{èr}} e lo 15 de setembre, ataquèt e conquistèt una partida de la vila de Stalingrad. Pasmens, l'ofensiva alemanda èra estada devesida entre dos axes isolats e lei Sovietics opausèron una resisténcia acarnada dins Stalingrad qu'empachèt leis Alemands d'ocupar la totalitat de la ciutat. Au contrari, aquò permetèt a [[Gueorgui Júkov]] d'organizar una còntra-ofensiva generala que s'acabèt per l'enceuclament de la VI{{a}} armada alemanda dins Stalingrad (19-23 de novembre). Acomencèt alora lo sètge deis Alemands blocats dins la mitat occidentala de la vila, que bastiguèron de linhas poderosas per s'aparar còntra una ataca dirècta, e la defensa còntra lei temptativas alemandas de rompre l'enceuclament. La pus importanta se debanèt entre lo 12 e lo 25 de decembre mai s'acabèt per una revirada.
=== Mond ===
| |||