1924 : Diferéncia entre lei versions
Contengut suprimit Contengut apondut
Cap resum de modificació |
|||
Linha 22 :
Mòrt de Lenine lo 21 de genier. Fòrça malaut dempuei [[1921]], foguèt pas dirèctament remplaçat e lei caps principaus de la Revolucion luchèron entre elei per sa succession. Premier, un grop format de [[Stalin]], Zinoviev e Kamenev prenguèt l'avantatge e preparèt la lucha còntra lei partisans de Trotsky.
D'autra part, fin dei purgas acomençadas en [[1921]] au sen dau Partit. Au contrari deis operacions similaras menadas dins lo corrent dau periòde de Stalin, lei motius politics èran encara segondaris e lei purgas de 1921-1924 foguèron subretot destinadas a eliminar lei sòcis passius, oportunistas ò corromputs. Pasmens, aquò entraïna una reduccion important deis efectius que passèron de {{formatnum:750000}} militants en 1921 a {{formatnum:412000}} tres ans pus tard. Pasmens, sota la direccion de Stalin, una campanha novèla de recrutament acomencèt permetent de restaurar rapidament leis efectius. Fòrça favorables a Stalin, lei militants novèus anavan tenir un ròtle important dins la lucha de succession.
Pertocant l'organizacion de l'Estat, una constitucion foguèt adoptada lo 31 de genier. Cada republica èra teoricament autonòma mai laissèt en fach la màger part dei decisions politicas importantas (defensa, diplomacia, moneda, finanças...) a l'autoritat centrala. Aquela darriera èra formada dau Congrès dei Soviets de l'Union cargat d'elegir lo comitat centrau executiu. Pasmens, la reünion d'aqueleis institucions èra rara e lo poder vertadier èra fisat a un ''Praesidium'', a ''Sovnarkom'' e a la direccion dau Partit.
| |||