Sistèma immunitari : Diferéncia entre lei versions
Contengut suprimit Contengut apondut
mCap resum de modificació |
|||
Linha 81 :
Dins l'òme, i a dos tipes de sites de presentacion que son dichs HLA (''Human leucocyte antigen'' en [[anglés]]) de classa I e II. Après liason entre la [[proteïna d'adesion cellulara]] de la cellula presentatritz d'antigèn e un receptor especific dich LFA-1 (''Lymphocyte function-associated antigen 1'' en [[anglés]]), se forma una liason entre l'antigèn e lei receptors caracteristics dau limfocit que son dichs CD4 per lei limfocits T citoxics ò CD8 per lei limfocits T auxiliars. L'activacion necessita tanben una liason entre una proteïna B7 de la membrana de la cellula presentatritz d'antigèn e un receptor CD28 dau limfocit. Sensa aqueu sinhau doble, lo limfocit demora inactiu. Au contrari, sa manifestacion entraïna la secrecion d'una [[citosina]] dicha [[interleucina 2]] que va venir se fixar sus un receptor dedicat per entraïnar l'expansion clonala.
Après activacion, lei [[limfocit T|limfocits T]] ninòis se diferencian entre unei tipes diferents que son lei [[limfocit T citoxic|limfocits T citoxics]] (ò T tuaires), [[limfocit T auxiliar|T auxiliars]], [[limfocit T regulator|T regulators]] e [[limfocit NKT|NKT]]. Lei doas premierei classas forman la màger part dei limfocits T. Lei [[limfocit T citoxic|limfocits citoxics]] son caracterizats per un marcaire CD4 e son cargats de l'eliminacion dirècta dei cellulas infectadas ò tumoralas gràcias a de secrecions de moleculas que pòdon passar la membrana cellulara per entraïnar l'[[apoptòsi]] ò la [[necròsi]].
Lei [[limfocit auxiliar|limfocits auxiliars]] son caracterizats per un marcaire CD8 permeton la secrecion de substàncias permetent d'entraïnar lo mecanisme d'inflamacion e l'activacion dei [[limfocit B|limfocits B]]. Dins l'òme, lo ròtle regardant la reaccion inflamatòria es assegurat per lei limfocits T<sub>H1</sub> (H per l'[[anglés]] ''Helper''). En particular, aumentan la mobilizacion dei [[macrofag]]s sus lo luòc de l'infeccion. La segonda carga pertocant l'activacion dei cellulas B es tengut per lei limfocits T<sub>H2</sub>. De mai, existís un mecanisme d'inibicion entre lei dos tipes de limfocits T<sub>H</sub> permetent d'orientar la respònsa immunitària siá vèrs la mobilizacion massiva dei cellulas de la [[fagocitosi]] siá vèrs la secrecion d'[[anticòrs]] en foncion dei besonhs.
| |||