Turquia : Diferéncia entre lei versions

 

==== Lo desmembrament de l'Empèri Otoman e la Guèrra d'Independéncia Turca ====

 

Après sa desfacha, lo [[tractat de Sèvres]] ambé leis Aliats marquèt un reculament fòrça important de l'[[Empèri Otoman]] que perdiguèt unei regions e foguèt devesit entre de zònas d'influéncia [[Itàlia|italiana]], [[França|francesa]] e [[Reailme Unit|britanica]]. D'efèct, leis Aliats impausèron la pèrda de totei lei territòris poblats d'Arabis, la cession d'una partida importanta d'[[Anatolia]] Orientala a l'[[Armenia]] novèla e la cession de [[Tràcia]] Orientala (levat de [[Constantinòple]]) e de la region d'Esmirna a [[Grècia]]. Lo sud-oèst d'[[Anatolia]] formava la zòna d'influéncia [[Itàlia|italiana]], lo sud aquela de [[França]] e lo sud-oèst aquela dau [[Reialme Unit|Reiaume Unit]]. La signatura d'aqueu tractat desastrós roïnèt lo prestigi dau [[sultan]] e favorizèt lei movements [[nacionalisme|nacionalistas]] e [[Republica|republicans]] turcs qu'èran intrats en revòuta. Aquò entraïnèt un ensems de conflictes que son dichs [[Guèrra d'Independéncia Turca]]. Lo generau [[Mustafa Kemal Atatürk|Mustafa Kemal]] ne'n foguèt la figura principala que venguèt pauc a pauc lo campion dau nacionalisme republican turc e lo fondator de la Republica Turca.