Fortificacion : Diferéncia entre lei versions

Lei vestigis de fortificacion pus vièlhs descubèrts per leis [[arqueologia|arqueològs]] datan de la [[Preïstòria]] ([[esperon barrat]]). Èran probablament inicialament destinadas a la proteccion còntra la [[Fauna (biologia)|fauna]] fèra. Pasmens, l'aparicion dei premierei [[guèrra]]s e lo desvolopament dei societats umanas sedentàrias aumentèron rapidament lo nivèu de complexitat dei fortificacions que venguèron d'infrastructuras majoras dei [[vila]]s [[Antiquitat|anticas]] e [[Edat Mejana|medievalas]]. En parallèl, apareguèron de fortificacions pus leugieras utilizadas sus lo prat batalhier ò durant una campanha militara. L'aparicion de l'[[artilhariá]] e de la [[polvera|pouvera]] entraïnèron d'evolucions importantas dins la concepcion e de la bastida dei fortificacions que deguèron d'ara endavant faciar la poissança dei projectils deis [[Arma de fuòc|armas de fuòc]] picant a sa basa. L'autor deis obratges defensius demeniguèt e l'utilizacion de [[trencada]]s se desvolopèt a l'entorn dei barris. L'introduccion d'[[obús]] explosius causèt d'evolucions novèlas ambé l'aparicion de construcions de [[betum]] armat. Dempuei lei doas guèrras mondialas, l'aumentacion de la mobilitat introduch per lo desvolopament dei veïculs militars, lo melhorament de la precision deis armas e l'aumentacion de la poissança de fuòc an fòrça demenit l'eficacitat dei fortificacions desvolopadas dempuei la fin dau sègle XIX ([[trencada]]s, [[casamata]]s, linhas de fortificacions...). Per exemple, lei [[Linha Maginot|Linhas Maginot]] ò [[Linha Bar-Lev|Bar-Lev]] s'afondrèron rapidament en [[1940]] ò en [[1973]]. Pasmens, maugrat aquel interès pus feble, lei fortificacions sondemoran totjornfòrça utilizadas per leis armadas actualas car son totjorn un mejan de proteccion util e aisat de bastir.