Lutz : Diferéncia entre lei versions

=== Teoria corpusculara ===

Foguèt formulada per [[Isaac Newton]] au sègle XVII. Aquela teoria considèra la lutz coma compausada de particulas de [[matèria]] ([[corpuscul]]s) emessas dins totei lei direccions. En mai d'èsser matematicament fòrça simpla (ben mai que la [[Teoria ondulatòria de la lutz|teoria ondulatòria]]), aquela teoria explica fòrça facilament de caracteristicas de la propagacion de la lutz qu'èran ben conegudas a l'epòca de [[Isaac Newton|Newton]].

Avans tot, la [[mecanica]] [[Galileo Galilei|galileana]] prevei correctament que lei particulas (comprés lei corpusculs de lutz) se propagan en linha drecha, e l'atribucion a aquelei corpusculs d'una massa infima, mai diferenta de zèro, es coerenta amb una [[velocitat de la lutz]] auta mai pas infinida. Lo fenomèn de la [[reflexion]] se pòt tanben explicar d'un biais simple per lo [[tuert elastic]] dei particulas de lutz sus la [[superfícia (matematicas)|superfícia]] reflectritz.