Paleoantropologia : Diferéncia entre lei versions

Era '''Paleoantropologia''' (deth grèc, παλαιός, paleos, "ancian"; άνθρωπος, anthropos, "èster uman"; e λογος, logos, "coneishement") ei era branca dera Antropologia biologica que s'aucupe der estudi dera evolucion umana e es sòns ancessors fossils, en autes paraules des ominids ancians. Aguesta sciéncia trabalhe principaument damb fossils que se rastregen enquia diuèrsi milions d'ans, peth que està estretament restacada tanben ara Paleontologia, era Geologia, era Paleoecologia, era Biologia, era Genetica e era Primatologia. Era Paleoantropologia cerque analisar e interpretar es donades deth passat uman damb er objectiu d'explicar era aparicion der òm e es sòns successius cambis que se produsiren a trauèrs deth temps. Un aute ligam estret ei eth quau a damb ua auta des branques dera Antropologia, qu'ei era Arqueologia. Aguesta met enfasi enes aspèctes culturaus. Aguestes dues branques se restaquen especiaument enter se, e atau tanben damb autes sciéncies coma se didec abantes. Es evidéncies que dispausam son principaument fossils d'uassi, mès tanben esturments litics o dralhs de pès coma es de Laetoli, en Tanzània. Eth començament dera Paleoantropologia està unit ath dera istòria der Òme de Neandertal, quan en agost de 1856 siguec descurbit er espécimen que dempús serie coneishut coma Neanderthal 1. Eth lòc siguec la coe Feldhofer ena val der arriu Neander, en Alemanha. Siguec nomendat coma Òme de Neanderthal pr'amor qu'atau se ditz "val deth Neander" en aleman. Es rèstes ossosi sigueren trapadi en ua peirièra pròplèu ena ciutat de Düsseldorf. Aguesti uassi fossils èren un casquet de tèsta, dus amalucs, es tres uassi deth braç dreit, dus deth braç esquèr, part der uas iliaque esquèr, e fragments dera escápula e costelles. Trapadi pes trabalhadors dera peirièra, sigueren deishadi a un costat pr'amor que les vedesse un professor locau, naturalista amateur, de nom Johann Karl Fuhlrott. Eth suspectèc totara qu'aguesti uassi representauen pèces importantes deth passat dera umanitat, encara que non prevedie que serien es prumèrs rèstes de ominids en un estat evolutiu anterior. Eth libre "Era origina des espècies", de Charles Darwin non auie estat publicat encara, gesserie en 1859. Fuhlrott envièc ua descripcion deth materiau ath anatomista Hermann Schaaffhausen e era descubèrta siguec anonciat conjuntament en 1857. Atau comencèc er estudi des ominids fossils e es sòns ancessors. Dempús vierie era recèrca sense fin deth hantauma dera anèla perduda.▼