Veire : Diferéncia entre lei versions

{{1000 fondamentals}}

Lo '''veire''' es un material [[solid amòrf]], produch en general quand un material viscós convenent es solidificat rapidament, de tal biais qu'a pas temps de formar una estructura regulara [[cristal]]lina. Un exemple d'aqueste fenomèn se pòt observar quand se vèrsa de [[sucre]] de taula fondut sus una superfícia freja. La resulta n'es la formacion d'un solid amòrf amb una fracturacion de tipe concoïde, que l'estructura cristallina i es absenta al contrari del sucre inicial.

 

 

Jos sa forma pura, es lo veire transparent, relativament dur, practicament inèrt del ponch de vista quimic e biologic e presenta una superfícia plan lissa. Aquestas caracteristicas fan del veire un material d'emplec frequent dins maites sectors, mas a l'encòp es fragil e tend a se copar e en fragments copadisses. Aqueles desavantatges se pòdon melhorar en partida o del tot en apondre d'autres [[Element quimic|elements]] o amb de tractaments termics.

Lo veire comun es constituit gaireben exclusivament per de [[dioxid]] de [[silici]] (SiO₂), sonat comunament [[siliça]], valent a dire lo quite compausant del [[qüars]] e de sa forma policristallina, la [[sabla]]. Jos forma pura, la siliça a un ponch de fusion qu'es a l'entorn de {{unitat|2000|°C}} mas sovent durant la produccion del veire son apondudas d'autras substàncias per far mermar aquesta [[temperatura]]. Un d'aquestes elements es la [[soda]] (lo carbonat de [[sòdi]] Na₂CO₃) o alara la [[potassa]] (lo carbonat de [[potassi]]) que fan baissar lo ponch de fusion aperaquí {{unitat|1000|°C}}. Malastrosament la preséncia de soda fa lo veire soluble dins l'aiga (caracteristica de segur pas gaire desiderabla). Per evitar aqueste inconvenient s'i apond a mai de [[cauç]] (oxid de [[calci]], CaO) per n'obtenir l'insolubilitat.

 

 

[[Categoria:Fisica]]

[[Categoria:Material de construccion]]

[[Categoria:Veirariá]]

 

[[af:Glas]]

[[ms:Kaca]]

[[mt:Ħġieġ]]

[[nah:Xaltehuilotl]]

[[nap:Vrito]]