Guido d'Arezzo : Diferéncia entre lei versions

'''Guido d'Arezzo''' (tanben conegut com '''Guido Aretinus''' o '''Guido Monaco''') ([[991]]/[[992|92]] - après [[1033]]), monge benedictin e teorician de la musica qui desenvolopè la notacion musicau en particion tostemps emplegada peus musicians e compositors de uei lo dia. Qu'ei eth tanben qui, dab l'imne de San Joan, e dè lo lor nom a las nòtas dens lo sistème de musica occidentau.

Que's pensa que Guido d'Arezzo e deu estar vadut en 991 o 992. Aquesta data qu'ei ua extrapolacion de la datatcion probabla deu ''Micrologus'' qui, dens ua letra, Guida disèva aver escriut a l'atge de 34 ans. Que comencè la soa vita de mong benedictin au monastèra de [[Pomposa]] (au ras de [[Ferrara]]) on comencè a enssenhar lo cant religiós. Puish que se'n anè entà [[Arezzo]]. Que's pensa qu'ei aciu on desenvolopè la notacion de la musica sus ua escala de linhas, lo nom de las nòta (dab un texte e un aire pro conegut per que los musicians e pòscan aisidament reconéisher o travar la nòta correpondent a la sillaba dens lo famós imnede San Joan) e la "Man de Guido" un metòde de direccion de còr on las nòtas e son muishada per la man, çò qui permet d'ensenhar un còr a cantar hèra viste.