Politeïsme : Diferéncia entre lei versions

Se fòrça politeïsmes, formalament diferents, an existit dins lo corrent de l'[[istòria]], aquelei [[religion]]s presentan un ensemble de trachs quasi sistematicament presents. Ansin, son generalament fondats sus una [[mitologia]] susceptibla d'evolucionar e sus de [[panteon (religion)|panteons]] constituïts de dieus, egalament susceptibles d'evoluïr, definits per un ò plusors domenis de competéncia. Aquò a sovent menat a la formacion d'arquetipes divins presents en mai d'una religion politeïsta coma lei divinitats creatritz de l'[[Univèrs]], lei divinitats liadas a la [[mòrt]] ò lei divinitats liadas a la [[feconditat]]. Una autra caracteristica dei politeïsmes es sa capacitat importanta d'adoptar de [[Dieu|divinitats]] originàrias d'una autra [[Religions|religion]].

 

 

Durant l'[[Antiquitat|Antiquitat Auta]], lei politeïsmes semblan de predominar dins totei lei [[civilizacion]]s aguent laissat de vestigis permetent d'estudiar sei crèires ([[Mesopotamia]], [[Egipte]], [[Ititas]], [[Republica Populara de China|China]], [[Mesoamerica]], etc.). A aquela epòca, lo [[monoteïsme]] èra un fenomèn rar. Lo pus conegut es aqueu deis [[Ebrieus]] que veneravan [[Yahve]]. Pasmens, aqueu dieu es probablament una evolucion d'[[Èl]], cap dau [[panteon (religion)|panteon]] de la [[vila|ciutat]] d'[[Ugarit]]. Vengut dieu protector deis Ebrieus, son culte excluguèt pauc a cha pauc leis autrei dieus avans de'n negar l'existéncia entre lei [[sègle VIII avC|sègles VIII]] e [[sègle VI avC|VI avC]]. Pasmens, se lo monoteïsme ebrieu, vengut lo [[judaïsme]], resistiguèt ais autrei religions, son influéncia demorèt limitada fins au desvolopament dau [[cristianisme]].