[[Fichièr:Turquoise Swirls in the Black Sea.jpg|thumb|right|[[Fotografia]] de plusors mars [[Tèrra|terrèstras]] ([[Mar Mediterranèa|Mediterranèa]], [[Mar de Marmara]], [[Mar Negra]], [[Mar Caspiana]], [[Mar d'Azov]] e [[Golf Persic]].]]
Una '''mar''' es una massa d'[[aiga]] [[sal (quimia)|salada]] (dicha «[[aiga salada|aiga de mar]]») que cubrís una partida importanta de la superficia de la [[Tèrra]]. Dins un sens generau, lo tèrme designa l'[[ocean mondiau]], es a dire l'ensemble deis [[ocean]]s e dei mars. Dins un sens pus reduch, una mar designa una estenduda d'aiga salada qu'ocupa un espaci geograficament delimitat per de massas [[continent]]alas, de fons marins particulars ò de [[corrent marin|corrents marins]]. Ansin, s'aquela espaci pòu comunicar amb l'[[ocean]], a generalament lei sieunas caracteristicas idrologicas. Lei grands [[lac]]s salats ocupant lo centre dei depressions continentalas son egalament considerats coma de mar au nivèu idrografic.
