Espaciopòrt
Un espaciopòrt es un ensemble d'installacions aeronauticas destinadas a permetre la preparacion, lo tir e lo seguit d'un lançaire espaciau durant lei premierei fasas dau vòl. Pòu tanben acuelhir de mejans logistics e d'installacions suplementaris destinats a la fabricacion ò a la mantenença d'engenhs espaciaus. Aqueleis installacions constituïsson generalament de basas importantas, ben protegidas, que son d'objèctes de prestigi per leis Estats possessors. Pasmens, dempuei la fin deis ans 1990, d'espaciopòrts privats, compres una plataforma petroliera transformada, son apareguts. Per extension, en sciéncia ficcion, lo tèrme designa d'installacions espacialas tenent un ròtle analòg ai pòrts terrèstres dins lo trafegue espaciau.
