Esfinx (mitologia egipciana)

Dins la mitologia egipciana, l’esfinx designa un èsser ibrid, simbolizant l'union del dieu solar Ra (còs de leon) e del faraon (tèsta umana, a vegada tèsta de falcon o de marran).

L'Esfinx de Karnak a Loxor.

Etimologia

« Esfinx » es un mòt grèc que seriá aparentat al sanskrit sthag significant « amagat ». Una autra interpretacion l'atribuís a l'ancian egipcian shesepankh, que significa « estatua viventa ».

Representacion

Dromos bordat d'esfinx a Luxor

Los esfinx èran representats per d'estatuas de pèira. Representavan la potencia sobeirana del faraon e foguèron d'en primièr encargats de vigilar sus sa necropòli. Lo mai conegut es l'Esfinx de Giza que se quilha devant las grandas Piramidas de Giza. Foguèt subretot a partir del Novèl Empèri que se multipliquèron a l'intrada de gaireben totes los temples jos la forma de longs alinhaments d'esfinx se fasián fácia de cada costat de la via d'accés (dromos).

Los esfinx coneguèron de variantas iconograficas  :

• dins la postura:
  • esfinx jagut (a vegada amb d'alas o tenent un vas entre las mans)
  • esfinx setat (patas adans levadas)
  • esfinx caminant (sovent representat trepejar l'enemic)
  • esfinx femenina

• dins l'aspècte:
  • mai sovent leons de cara umana (androsfinx)
  • a vegada criosfinx (amb cap de marran) o ieracosfinx (amb cap de falcon)

• 
  Akhénaton figurat en esfinx, (Kestner Museum, Alemanha)
• 
  Esfinx de Ramsès a Wadi al-Sabua (Nubia)
• 
  criosfinx al temple de Karnak
• 
  Esfinx amb cap de falcon (Ieracosfinx) Detalh d'un pilar a Kôm Ombo
• 
  Cara d'una esfinx femenina

Vejatz tanben

Articles connèxes

• Lo Gran Esfinx de Giza ;
• L'Esfinx dins la mitologia grèga