Escalièr

Un escalièr (var. eschalier, eschalèir, escalèr) es un element de construccion que permet d'escalejar una distància verticala amb l'ajuda d'unas grasas.

Mesuras

En 1675, François Blondel estudiguèt la question del calcul de l'escalièr dins son Cors d'arquitectura ensenhat a l'Acadèmia reiala d'arquitectura. Mesura lo pas (al sens de distància percorrida pel pè quand una marcha normala sus un plan orizontal) e constata que «cada còp que s'ausam d'un poce, la valor de la partida orizontala se trapa reducha de dos poces e que la soma de la nautor doblada de la grasa e de sa largor deu demorar constanta e èsser de dos pès».
La « formula de Blondel » s'exprima atal: $M=2h+g$ ,
que
$M$ es lo modul (o lo pas) e val 2 pès (64,8 cm),
$h$ la nautor de la grasa, e
$g$ sa largor.

L'idèa es que l'esfòrç fach per la persona que poja siá constant, malgrat las variacions de la nautor pujada realament al respècte del desplaçament orizontal segon lo luòc que se situam dins l'escalièr, pujada mai fòrta dins los plegadisses (la persona essent posicionada amb la man sus la baranda).

A l'ora d'ara, las lòcas correntas an 17 cm de nautor, mas devon ara pas despassar 16 cm pels luòcs qu'acuelhan de public e 28 cm de largor minim (França: decrests n°2006-1657^[1] e 1658^[2] arrèstat del 15 de genièr de 2007^[3]): lo pas usual es de 63 cm (la plaça, e per seguida l'importància, donada a l'escalièr es mendre qu'al sègle XVII), lo pendís d'aquelas grasas es de gaireben 30°. Aquela valor estandard es a prene en compte coma basa de calcul, tot es question de l'efècte final donat a l'escalièr: escalabrós, o al contrari « agradable » o encara d' accessibilitat maximom pel public.

Aquela accessibilitat de l'escalièr per de personas endecadas dels membres inferiors depend en mai de l'angle e de la largor de la grasa mas tanben de la prigondor.

Montatge d'un escalièr de fraisse per un artesan prèp de Lion

Vegeu també

Referéncias

Wikimedia Commons prepausa de documents multimèdia liures sus Escalièr.

Portal arquitectura e urbanisme

[1] (fr)Legifrance :Décret n°2006-1657 du 21 décembre 2006 relatif à l'accessibilité de la voirie et des espaces publics.

[2] (fr)Legifrance : Décret n°2006-1658 du 21 décembre 2006 relatif aux prescriptions techniques pour l'accessibilité de la voirie et des espaces publics.

[3] (fr)Legifrance : Arrêté du 15 janvier 2007 portant application du décret n°2006-1658 du 21 décembre 2006 relatif aux prescriptions techniques pour l'accessibilité de la voirie et des espaces publics.

[1]

[2]

[3]