Es pas tard

Es pas tard es una cançon de Lo Dalfin :

Es pas tard
son encar aicí
nòsti chamins d'un viatge
l'erba, i roieras
per lo boscatge
i champs a l'adrech
e i muralhets cuberts
dal bracabòsc

Es pas tard
aura e silenci
a l'ora di colinas
Solelh s'i peiras
s'i roinas
d'aquò n'a pron
per chaminar al fons
de l'après-mesjorn

Venarè lo pitac verd
nos portarè bonur
balant l'"asus-ain"
'mbo lo jai lor anaun rèn cercar
aval dins la bosquina
i chants qu'avem perdut
e lo pastre d'escorbasses
encuei venaré pas
per semenar tempesta
si nòsti sons
nòsti colors
no, l'es pas encar tard
sèm i rei del jorn

Salharem
de melodias amagaas
da tuchi i caire
passa-carrièra di sonaires
banda del bòsc
desfilarè en volant
una procession
Rampelada
sus lo resson
de pinfre e gargamascha
per una aubada
d'imor e ruscha
s'amusaren
an aquel son
i vièlhs sants di pilons.