Endiadin

L'endiadin o endiadís (de l'expression grèga ἓν διὰ δυοῖν, "un en dos") es una figura retorica que consistís en remplaçar la relacion de subordinacion o de determinacion per una relacion de coordinacion.

La fòrma endiadin es un manlèu al grèc, mentre que la fòrma endiadís es un manlèu al latin.

Fa partida de las figuras de dissociacion.

En general, se tracha de modificar un sintagma que deuriá èsser unit per lo copar en dos sintagmas coordenats.

L'efièch produch aparten a la suspresa, a l'insisténcia o a la mesa en relèu.

ex. Ai conoscut aquel òme e sa drechura (= la drechura d'aquel òme).