Emperaire Jaune
L’Emperaire Jaune o Huangdi es una figura mitica de la mitologia chinesa onte tèn lo ròtle de sobeiran civilizator dau país durant l'Antiquitat Auta. Es ansin sovent inscrich dins lei listas d'emperaires amb de datas de rèine anant de 2697 a 2597 avC. Segon lo Shiji de Sima Qian, foguèt lo premier emperaire de China. Segon la legenda, foguèt divinizat a sa mòrt.
Absent dei fònts ancians, l'Emperaire Jaune sembla d'aparéisser dins lei tèxtes a partir dau periòde dei Reiaumes Combatents. Ocupèt una plaça importanta dins lei trabalhs deis istorians dau periòde Han. Representava lo sobeiran ideau e fòrça tèxtes o descubèrtas tecnicas li foguèron atribuïts (o a sei conselhiers). Dempuei lo sègle XIX, es sovent presenta coma lo paire de la civilizacion chinesa.