Eduard Böhmer

Eduard Böhmer o Boehmer, nascut lo 24 de mai de 1827 a Stettin (uèi Szczecin) e mòrt lo 5 de febrièr de 1906 a Lichtental, prèp de Baden Baden, es un romanista e teologian alemand.

Biographie

Eduard Böhmer foguèt professor de teologia a Halle, puèi s'avodèt mai a la filologia, qu'ensenhèt de 1872 a 1879 a l'universitat d'Estrasborg. Publiquèt mai d'un libre e maites articles dins las doas disciplinas, per exemple dins la revista Romanische Studien (1871-1885). Lo sistèma de transcripcion fonetica que concebèt per aquesta revista inspirèt Bourciez e lo Glossaire des patois de la Suisse romande.

Es tanben conegut per son article sus la nacionalitat occitana paregut en 1870.

Bibliografia

• Piet Steenbakkers, « Les éditions de Spinoza en Allemagne au XIX^en siècle », dans André Tosel, Pierre-François Moreau et Jean Salem (dirs.), Spinoza au XIX^en siècle, Publications de la Sorbonne, 2007.
• Karl Bader, Lexikon deutscher Bibliothekare im Haupt und Nebenamt bei Fürsten, Staaten und Städten. Harrassowitz, Leipzig 1925 (Zentralblatt für Bibliothekswesen, Beiheft; 55), S. 21.