E tu, mon vilatge

E tu, mon vilatge es una cançon de Claudi Martí en lenga occitana :

E tu, mon vilatge,
De vinha, d 'oliu e de mèl,
Tu, mon vilatge,
Calor, torrada, infèrn...
Podètz cantar cigalas,
Es pas filh de la nuèit.
Sus nòstra tèrra blanca,
Es pas nascut de res...
E tu, mon vilatge,
Sègle après sègle bastit,
De sang e de carn d'òmes,
Sègles per sègles noirit.
Podètz cantar, cigalas !
Nòstra plaça es aicí.
Crida la tramontana,
Nos farà pas partir.
E dins mon vilatge
Quand la vinha va mal,
Dins mon vilatge,
Nos cal barrar l'ostal.
Podètz cantar, cigalas !
Si lo vin va mal,
Sus nòstra tèrra blanca
Marcelin tornarà.