Dune (videojòc)
Dune es un videojuec desenvelopat per Cryo Interactive e editat per Virgin Games, pareissut en 1992 sus Amiga, PC, PC-CD e Mega-CD.
Emai siegue estat publicat per lo mesme editor, lo juec compartís amb Dune 2 pauc de causa, franc de l'Univèrs manlevat au Ciucle de Dune.
Istòria
modificarLo juec se basa sus l'univèrs de l'òbra de Frank Herbert, Dune, mai que mai sus lo premier roman. Lo joven Paul Atreid e sa familha se venon installar sus la planèta Arrakis, sus decision de l'Emperaire de l'Univèrs, Shaddam IV, per remplaçar sei rivaus Harkonnen dins la recorta de l'Espécia, mena de matèria misteriosa necessària au fonccionament de l'Univèrs e que s'atròva unicament sus d'aquela planèta.
Sistèma de juec
modificarLo jogaire dirigís Paul Atreid e l'accion dau juec comença a l'installacion de sa familha sus la planèta Arrakis. La particularitat dau juec es de mesclar una fasa d'exploracion / aventura en vista subjectiva (rescòntres amb lei personatges principaus e segondaris) e una fasa de gestion estrategica, sus d'una mapa de la planèta.
Lo juec s'acaba amb la terraformacion de Dune e la conquista de la planèta per Paul e lei Fremens còntra lei tropas de l'Emperaire e dei Harkonnens.