Drapèu de l'Union dei Republicas Socialistas Sovieticas

Lo drapèu de l'Union dei Republicas Socialistas Sovieticas èra lo drapèu de l'Union dei Republicas Socialistas Sovieticas de 1922 a 1991. Doas versions principalas foguèron adoptadas. La premiera foguèt brèvament utilizada de decembre de 1922 au 12 de novembre de 1923. Èra un drapèu roge amb un simbòl que representava lo projècte comunista de revolucion mondiala. Pasmens, son usatge foguèt brèu que foguèt remplaçada per la version pus famosa dau drapèu sovietic. D'inspiracion comunista, èra fach d'un drapèu roge portant un martèu, un volame e una estela jauna :

• lo roge representava lo sang dei defensors de la revolucion.
• lo martèu e lo volame simbolizan l'union deis obriers e dei païsans.
• l'estela figura l'Armada Roja.

Aqueu drapèu foguèt lo drapèu de l'URSS fins a sa dissolucion en decembre de 1991. Dempuei aquela data, aparéis dins de manifestacions comunistas e dins de ceremònias de commemoracion de la victòria còntra lo nazisme. En Russia, s'utiliza un dei drapèus issats sus lo Reichstag a l'eissida de la batalha de Berlin. Dich bandiera de la Victòria, es considerat coma un tesaur nacionau dau país.

• 
  Drapèu utilizat de decembre de 1922 au 12 de novembre de 1923
• 
  Drapèu dau 12 de novembre de 1923 au 18 d'abriu de 1924
• 
  Drapèu dau 18 d'abriu de 1924 au 5 de decembre de 1936
• 
  Drapèu dau 5 de decembre de 1936 au 19 d'aost de 1955
• 
  Drapèu dau 19 d'aost de 1955 au 15 d'aost de 1980
• 
  Drapèu dau 15 d'asot de 1980 au 26 de decembre de 1991
• 
  Bandiera de la Victòria

Liames intèrnes

• Bandiera de la Victòria.
• Union dei Republicas Socialistas Sovieticas.

Bibliografia

• Whitney Smith, Flags and arms across the world, McGraw-Hill, 1980, p. 203.