Dorsala medioatlantica

La dorsala medioatlantica es un relèu que se situa dins l'Ocean Atlantic e dins l'Ocean Artic. Comença a 333 km au sud dau Pòl Nòrd e s'estend fins a l'Illa Bouvet dins l'emisfèri sud. Es una zòna d'activitat sismica intensa que correspond a una zòna de divergéncia entre doas placas tectonicas. L'origina d'aqueu fenomèn es liada a una remontada massisa de magma qu'entraïna d'erupcions volcanicas fòrça frequentas. Pasmens, aquela activitat es mau coneguda car la màger part de la dorsala es sosmarina. Lei partidas emergidas forman d'illas volcanicas coma Islàndia ò leis Açòres.

Representacion de la dorsala medioatlantica.

Aquela dorsala foguèt descubèrta per l'expedicion dau HMS Challenger en 1872. Dins aquò, son existéncia èra estada supausada en 1850 per Matthew Fontaine Maury (1806-1873). Sa preséncia foguèt finalament confiermada en 1925 gràcias a de mesuras realizadas amb de sonars. Puei, l'organizacion generala dau relèu foguèt precisada a partir deis [[ans 1950] amb l'organizacion de plusors campanhas de mesura. Aquò permetèt de comprendre que la dorsala medioatlantica fa partida d'un sistèma de zònas de divergéncia d'una longor de 40 000 km.

Liames intèrnes

• Dorsala.
• Tectonica dei placas.