Dominique Strauss-Kahn

Dominique Gaston André Strauss-Kahn (Neuilly-sur-Seine, lo 25 d'abril de 1949), conegut tanben coma « DSK », es un òme politic francés. Foguèt president del FMI (2007-2011).

DSK en 2008

Es diplomat de HEC Paris, de l'IEP París e doctor en economia (tèsi sobre "Économie de la famille et accumulation patrimoniale").

Deputat de Nauta Savòia de 1986 a 1988, foguèt deputat de la 8ena circonscripcion del Val d'Oise de 1988 a 2007, consòl de Sarcelles de 1995 a 1997, ministre del comèrci (1991-1993) e ministre de l'economia (1997-1999).

Professor d'economia, aderís al Partit Socialista Francés en 1976. Divorciat dos còps, a quatre enfants e se maridèt per la 3ena vegada amb la jornalista politic Anne Sinclair en 1991.

Considerat coma un possible candidat socialista a las eleccions presidencialas de 2012, de campanhas de premsa en mai 2011 denóncian l'opuléncia de son biais de viure. Lo 14 de mai es arrestat a New York (Estats units d'America) puèi lo 15 de mai acusat d'agression sexuala sus una serviciala de l'ostalariá que veniá de quitar.

Es lo cosin al segond gra de l'actritz francesa Zabou Breitman (Blanche Rosalie Breitman, la menina mairala de Dominique Strauss-Khan, es la sòrre de Lucien Breitman, lo pepin pairal de Zabou).

Bibliografia

• Inflation et partage des surplus ; le cas des ménages, Éditions Cujas, 1975. (avec la coll. d'André Babeau, et André Masson).
• Économie de la famille et accumulation patrimoniale, Éditions Cujas, 1977.
• La Richesse des Français- Epargne, Plus-value/Héritage. (avec la coll. d'André Babeau). Paris: PUF, 1977. Collection « L'économiste » dirigée par Pierre Tabatoni. Enquête sur la fortune des Français.
• Pierre Bérégovoy : une volonté de réforme au service de l'économie 1984-1993. Cheff, 2000. (avec la coll. de Christian Sautter)
• La Flamme et la cendre, Grasset, 2002 : Oui, lettre ouverte aux enfants d'Europe. Grasset et Fasquelle, 2004.
• « Éléments pour un réformisme radical », dins Les Notes de la fondation Jean-Jaurès « Pour l'Égalité réelle », no 41, juillet 2004, p. 3-108
• DVD pour le Oui à la constitution, 2005
• 365 jours, journal contre le renoncement, Grasset 2006