Discutir:Païses occitans

Velai, Vivarés

Estent que se tracta dei províncias "istoricas", Velai e Vivarés dependián de Lengadòc sota l'Ancian Regim. Vivarés 18 jun 2006 à 18:41 (UTC)

Lei doas cartas de l'article son contradictòrias, e Vivarés es jamai estat en Daufinat !

I a que de lei comparar. La carta dei "províncias tradicionalas d'Occitània" classa Vivarés en "Delfinat", çò qu'es una error dei gròssas. Daufinat a jamai passat Ròse ! I a ges de contacte entre Daufinat e Guiana ni entre Daufinat e Auvernhe (lei gents d'Ardecha serián ben susprés d'aprendre que son daufinencs). Vivarés 19 de març de 2007 a 20:14 (UTC)

La mapa que criticas es aquela que Francés Fontan imaginava, dins son pantais d'una futura Occitània federala. Es la mapa d'un projècte politic precís. Es una error de la presentar coma la mapa dei "províncias tradicionalas" o "istoricas". Tanben, lo títol de l'article, "Païses Occitans", me sembla contestable: aquò es pas un concèpte que circula. Seriá melhor de dire "regions d'Occitània", "regions occitanas".--Aubadaurada 19 de març de 2007 a 20:27 (UTC)

Òc, i a confusion entre mantun concepte pròche: lo de provincia (existéncia administrativa clara d'ancian regim), lo de país/parçan/comarca (que pòt èsser d'amplitud variable e que representa un territòri viscut mai o mens per sos estatjants, a mai que i pòsca aver de paises al dintre d'autres países...), regions (admnistrivas E viscudas), ensembles culturals etc... Sai que fa bèl temps Aubadaurada (dins una autra vida ;-)) sortiguèt una mapa dels paises occitans. Seriá plan que se tornèsse far quicòm dins l'estil.--Gavach 9 de mai de 2007 a 10:24 (UTC)

La mapa que faguèri èra solament un assai. Existís ges de trabalh consensuau sus lei parçans d'Occitània, ni sus sei limits, ni sus son nombre. Pasmens existís un solet libre pron complet que prepausa de cartas e una lista detalhadas de parçans: Frédéric Zégierman, Le guide des pays de France, Fayard, en dos tòmes. Zégierman se situa dins l'encastre francés mai es un occitan e respècta la cultura occitana dins son trabalh. Se fasèm un trabalh collectiu sus lei parçans occitans, cresi que Zégierman es la sola basa de possibla, tecnicament. Benlèu ne podèm far un "projècte parçans". Seriá necessari qu'un bòn cartograf coma Gavach poguèsse dessenhar de mapas per cada parçan, mai aquò fariá de trabalh. Ieu sabi pas faire de mapas dins Wikipèdia.--Aubadaurada 9 de mai de 2007 a 13:47 (UTC)

Una autra causa: pensi que caudrà remplaçar l'article "Païses occitans" per un article nommat "Lei descopatges d'Occitània"; e lo completar per una sèria de 3 articles (amb 3 categorias e de mapas correspondentas): 1º "Parçans d'Occitània", 2º "Regions istoricas d'Occitània" (per ex. i agropariam lei províncias coma Guiana e tanben lei "pagus" coma Roergue; Roergue essent dintre Guiana), 3º "Regions oficialas d'Occitània".--Aubadaurada 9 de mai de 2007 a 13:53 (UTC)

Bearn

Adiu, Se'm permetetz, que voleri hornir un paragraf Bearn o tornar nomar lo paragraf Gasconha en Bearn e Gasconha.

Se linguiticament Bearn qu'ei gasconofon (o, Gasconha bearnofona?) Bearn que ho mei que mei un vassau d'Aragon (en beth contribuir a l'expansion d'un Aragon, qui a la debuta, b'era pro chic) ; quan Febus e domande au Princi Negre d'Anglaterra de trova la mendra prova de ligam enter Bearn e Gasconha, aqueste non s'i escado pas. Arron, que coneishem tots l'istoria d'independencia contitucionau e politica de Bearn, soslinhada per Tucoo Chala, Lafont e Vairon.

Desolat per aqueth troç de nacionalisme, mes Bearn qu'ei un pais, e quitament reconegut internacionaument puish que possedeish l'autoriat reiau suber Navarra (lo qui dauneja en bearn qu'ei de heit rei de Navarra) e la meitat de l'autoritat priciau suber Andorra (qui ostenda las duas vacas arroias en testimoniatge d'aquo sus la soa banera). Aqueth darrer punt que pot estar vist com ua hont de vergonha, puish qu'ei per'mor de l'estacament oficiau de Bearn au reiaume de França (passat illegaument a la Republica en violacion deus Fors) qui Chirac e Sarkozi, dab la loa grossiera vulgaritat, e poden ostender lo titol de coprinci.

Desolat per aqueth troç de nacionalisme, mes Bearn qu'ei urosament un pais, e com ac soslinhe mantun cop Lafont, un deus darrers troç libre d'Occitania e tanben lo darrer d'emplegar librement la lenga.

A beth leu,

--Lembeye 14 de mai de 2007 a 10:06 (UTC)

Es evident que Bearn se pòt o se deu presentar coma una region istoricament distinta de Gasconha. En tot cas, es l'ensems d'aqueste article que caudriá reorganizar e reconcebre completament.--Aubadaurada 13 d'oct de 2007 a 14:01 (UTC)