Discutir:Glacièr

Òsca per aqueste traduccion de l'article de la wiki espanhòla que es un article de qualitat, doncas podem dire que es tanben un article de qualitat aicí ScArf 20 de julh de 2007 a 17:01 (UTC)

Per acabar de ser de qualitat de veritat caldria traduir els textos de les imatges, que estan en espanyol. Malauradament no sé prou occità per a fer-ho jo mateix.--Quico 31 de mai 2008 a 17:30 (UTC)

Geologia: Glacial / Glaciari ?

Es una question de neologia. Lo francés destria glacial de glaciaire (mot creat au sègle XIX). Lo catalan e l'italian utilizan cadun un solet adjectiu (resp. glacial, glaciale): cat. era glacial (e tanben edat de gel, mai la recèrca sus google mòstra que edat de gel es pas tant frequent — netament mens— coma era glacial), casquets glacials, ital. era glaciale, calotte glaciali. L'usatge castelhan pareis un pauc diferent, que se tròba glacial e glaciar (mai semblan pas intercambiables). Dins lei diccionaris occitans, se tròba, per equivalent de "glaciaire":

• glacial (J. Taupiac, Diccionari francés-occitan [lengadocian], IEO, 1977)
• glacial (C. Laux, Dictionnaire français-occitan, languedocien central, IEO Tarn, 1997)
• glaciari (J. Fettuciari, G. Martin, J. Pietri, Dictionnaire provençal-français, L'Escomessa, IEO de Provença, 2003).

En aranés, se tròba glaciau (cf. [1]).

Fau chausir entre un neologisme (glaciari) e un sens tecnic novèu d'un mot preexistent (glacial/glaciau). Me sembla (mai es ren qu'un vejaire personau) que lei terminologias catalana e italiana, lei proposicions fachas per Taupiac e Laux, e enfin l'usatge atestat en aranés, poirián èsser un argument per chausir glacial/glaciau. L'IEO, dins l'encastre d'una convencion ambé l'Institut d'Estudis Aranés, l'IEC e TERMCAT, vèn de publicar tres lexics pichons (biologia, informatica, matematicas). Ne manca d'autrei, e en particular un de geologia. --Vivarés 21 de febrièr de 2009 a 15:55 (UTC)