Discutir:Gasconha

Perque i pausatz doas bandièras de Gasconha? Qual es l'"originala"?Keko dc 28 d'oct de 2006 am 09:42 (UTC)

---

Es explicat dins la rubrica "Bandièra" de l'article!
Cedric31 28 d'oct de 2006 pm 16:34 (UTC)

Neutrau ?

Bé n'ei pas neutrau aqueth article... Dider que la nosta Gasconha ei ua region istorica de l'Occitania e pas de França, ei ua farlabica ! 1-) l'Occitania qu'ei un concèpte pas hèra clar istoricament, e ne's pòt pas dider - qu'at pensi - que Gasconha ei un territori istoric d'Occitania 2-) Gasconha (o Aquitania) qu'era un fiu anglés densh lo reiaume de França.

Guilhem

L'article be ditz que Gasconha tanben ei ua region istorica de França. Non vedi pas nat problèma. Occitània qu'ei un concèpte lingüistic largament reconegut, Gasconha que'n hè partida, e qu'ei normau d'ac díser. Tanben l'article que presenta Gasconha com ua "region istorica", pr'amor que n'ei pas ua region administrativa, malaürosament. En tot cas Occitània qu'ei ua realitat lingüistica inserida dens l'istòria. Exceptat se pensas que l'occitan n'existeish pas, mes en aqueth cas, la lingüistica que demòstra qu'existeish... tanben qu'èm dens la Wikipèdia occitana totun.--Aubadaurada 15 de decembre de 2006 a 13:37 (UTC)

Que'm sui mau exprimit (que sui un chic malestruc quan parli gascon ;) ) ! Gasconha que hèi partida d'un territòri lingüistic qui s'apèra Occitania, sòlide quiò ! Totun, que'm pareish qu'ei tròp parlar d'Occitania com d'un concèpte territoriau istoric plan identificat dejà en aquesta epòca (mentre que França èra ua realitat juridica) e identic a l'Occitania lingüistica d'uei (qui ei estada definida e reconeishuda apres). Com ac as dith, objectivament, Occitania qu'ei un concèpte lingüistic. E istoricament, a l'Edat mejana, Gasconha qu'èra purmèr que tot un fiu anglés deu reiaume de França ; e tanben qu'estot ua de las artèras de l'antica Vasconia e de l'antica Aquitània, qui existiren avans França e Occitania (ne sei pas se cau hicar l'article aciu). En dus mots, que vui dider que la formulacion "region istoric d'Occitania" deisha entener que Gasconha èra ua region d'un ensems istoric que s'aperessi Occitania, e aquet ensems n'ei pas (e n'èra pas) reconeishut com ua realitat istorica de l'Edat Mejana (pr'amor n'i avè pas d'Occitania unificada ni politicament, ni juridicament ni culturaument tanpòc, senon lingüisticament sonque). Dider purmèr qu'ei un territòri istoric de França me pareish mei neutrau, pr'amor que França ei ua realitat istorica e juridica indiscutibla.

Guilhem

(perdona las meas pècas d'ortografia, mes n'ei pas aisat escriver en grafia normalizada, cuan jo parli - mau, totun que parli ! - lo "parla neugue" de la lana).

Qu'èi assajat de redigir ua definicion mei exacta, en foncion de las toas precisions istoricas, politicas e lingüisticas. Diga'm lo ton avís. Que'm regaudeishi de véder que practicas la lenga nòsta activament. Que t'encoratgi a contunhar los tons esfòrç entà parlar gascon, e n'ei pas grèu de har quauques errors en aprenent, çò qui compta qu'ei de voler progressar. Coraument.--Aubadaurada 16 de decembre de 2006 a 15:12 (UTC)